حقو ماماندارى قىزمەت الۋشىلاردىڭ تەلەفوندارىنا telegram مەن Mgov قوسىمشالارىن ورناتىپ بەرۋگە كومەكتەسىپ, ءتۇرلى انىقتامالار مەن قىزمەتتەردى الۋ رەتىن ءتۇسىندىرىپ بەرۋدە.
بۇگىندە Telegram قوسىمشاسىنداعى Egovkzbot ارقىلى 24 قىزمەت قولجەتىمدى. جۇيە ىسكە قوسىلعان سەگىز ايدىڭ ىشىندە 140 مىڭ ادام ونى قولدانىپ ۇلگەرىپ, 160 مىڭ رەت ءتۇرلى انىقتاماعا ءوتىنىش بەرگەن. مەسسەندجەر قولدانۋشىلارى 60 مىڭ رەت مەكەنجاي, 20 مىڭ رەت سوتتىلىقتىڭ بولۋ/بولماۋى تۋرالى انىقتامالاردى سۇراتقان. ءوز كەزگىندە, Mgov قوسىمشاسى ارقىلى 90 مەملەكەتتىك قىزمەتتى ونلاين تارتىپتە الۋعا بولادى. سمارتفون يەلەرى بۇل قوسىمشانى بىلتىر 1,3 ملن رەت جۇكتەپ, 3,6 ملن قىزمەت العان.
«ونلاين بولۋ – زامان تالابى. قالتاڭىزداعى سمارتفون حالىققا قىزمەت كورسەتۋ ورتالىقتارىنا بارماي-اق, سۇرانىسقا يە مەملەكەتتىك قىزمەتتەردى جىلدام الۋعا كومەكتەسەدى. كورسەتىلەتىن ەلەكتروندىق قىزمەتتەر سانىنىڭ ارتۋىنا بايلانىستى مەملەكەتتىك كورپوراتسيا حالىق اراسىندا قىزمەتتەردى ونلاين الۋدى ۇيرەتەتىن شارالار وتكىزىپ, ازاماتتاردىڭ تسيفرلىق ساۋاتتىلىعىن ارتتىرۋدا. بۇل قوسىمشالاردى پايدالانۋ ءۇشىن ءموبيلدى ازاماتتار بازاسىندا تىركەلۋ مىندەتتى. ونى حقو قىزمەتكەرلەرى جۇزەگە اسىرادى. ءتارتىپ بويىنشا قىزمەت الۋشىنىڭ جەكە سايكەستەندىرۋ ءنومىرى مەن ۇيالى تەلەفونى بايلانىستىرىلىپ, بازاعا ەنگىزىلۋى ءتيىس», – دەيدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما توراعاسى ابلايحان وسپانوۆ.
ايتا كەتەيىك, وسى ۋاقىتقا دەيىن ەلەكتروندى ۇكىمەت پورتالىن ءوز بەتىنشە پايدالانۋ داعدىلارىن 8 ميلليون قازاقستاندىق يگەرگەن. وعان قوسا, مەملەكەتتىك كورپوراتسيا ماماندارى جەرگىلىكتى اكىمدىكتەردىڭ 3,5 قىزمەتكەرىنە egov.kz پورتالىن پايدالانۋدى ۇيرەتىپ, ولار وزگە 686 مىڭ ازاماتتى وقىتقان.
بۇدان بولەك, مەملەكەتتىك كورپوراتسيا قىزمەتكەرلەرى اپتا سايىن ەمحانا, اسكەري ءبولىم, جوعارى وقۋ ورىندارى مەن وزگە دە مەكەمەلەرگە بارىپ, قوسىمشالاردى پايدالانۋ رەتىن ۇيرەتىپ وتىرادى.
بۇگىندە رەەستردەگى 752 مەملەكەتتىك قىزمەتتىڭ 506-سى, ياعني 67% ەلەكتروندىق فورماتتا قولجەتىمدى. جىل وتكەن سايىن ەلەكتروندىق جولمەن كورسەتىلەتىن قىزمەت سانى ءوسىپ وتىرادى, 2020 جىلى ونىڭ ۇلەسى 90% قۇراۋى ءتيىس. ايتا كەتەيىك, بۇگىندە حالىقتىڭ تسيفرلىق ساۋاتتىلىعىنىڭ دەڭگەيى 77% جەتتى. 2022 جىلعا قاراي ونى 83% دەيىن ارتتىرۋ كوزدەلگەن.
