بۇگىنگى تاڭدا جاڭا تاسىلمەن 50-دەن استام ناۋقاس ەمدەلىپ شىقتى.
روبوت ۋرولوگيا, جالپى حيرۋرگيا جانە گينەكولوگيا سالالىرىندا قولدانىلادى. جەڭىل وپەراتسيادان باستاعان ماماندار, اي سايىن كۇردەلى ەمدەۋ تاسىلدەرىن مەڭگەرۋدە. بيىل ەمحانادا ارنايى وقۋ ورتالىعىن اشۋ جوسپارلانىپ وتىر. ايتا كەتەيىك, روبوتپەن وپەراتسيا جاساۋدى ۇيرەتەتىن وقۋ ورتالىقتارى الەمدە اقش پەن يتاليادا عانا بار.
«قازىر سونداي وپەراتسيالاردى كوبەيتەمىز با دەپ ويلايمىز. ءبىزدىڭ ەلگە, ءبىزدىڭ حالقىمىزعا بۇل قولجەتىمدى وپەراتسيالار. الدىندا بارلىعىنا بەلگىلى بولعانداي ونداي اۋرۋلار مەديتسينالىق تۋريزم سالاسىمەن كورەياعا كەتەتىن, يزرايلگە كەتەتىن, ەۋروپاعا باراتىن. مەنىڭ ويىمشا, قازىرگى روبوتوحيرۋرگيا وسىلاي وسە بەرەتىن بولسا ءبىزدىڭ اۋرۋلار ءوز ەلىندە, ءوز جەرىندە وسىنداي كومەك الۋعا مۇمكىندىگى بار», – دەيدى قر پرەزيدەنتى ءىس باسقارماسى مەديتسينالىق ورتالىعىنىڭ ءبولىم مەڭگەرۋشىسى ەرلان ەڭسەباەۆ.
گۇلبارشىن ساباەۆا,
«ەگەمەن قازاقستان»
الماتى
