قارعىن سۋ كىدىرىسسىز ءوتۋى ءۇشىن وزەن اڭعارلارىمەن ساباقتاسىپ جاتقان 10,2 شاقىرىم سۋ وتەتىن جىرالار تەرەڭدەتىلىپ, ەنى كەڭەيتىلۋدە. ادەتتە مۇز سەڭدەرى كەپتەلەتىن وزەندەردىڭ جاعاسىنداعى بوگەتتەردىڭ 9,3 شاقىرىمى بيىكتەتىلىپ, نىعايتىلۋدا.
توتەنشە جاعدايلار دەپارتامەنتىنە سۋ تاسقىنىنىڭ الدىن الۋ شارالارىن تىڭعىلىقتى وتكىزۋ ءۇشىن وبلىستىق بيۋدجەتتەن 51 ميلليون تەڭگە قاراجات قاراستىرىلعان. بۇل قارجى وبلىس اۋماعىنىڭ ۇستىنەن ۇشىپ باقىلاۋعا, عارىش ارقىلى مونيتورينگ جۇرگىزۋگە جانە وزەن-كولدەردىڭ القىمىنا كەپتەلگەن سەڭدى جارۋعا جۇمسالادى. ايماقتا ايتىپ كەلمەيتىن اپاتتىڭ الدىن الۋعا 149,8 توننا جانار-جاعارماي, 5,2 مىڭ توننا ينەرتتى ماتەريالدار, 33,4 مىڭ قاپقا سالىنعان قاتتى زاتتار دايىندالعان. بۇل باعىتتاعى جۇمىس قار كوبەسى سوگىلگەنشە جالعاسپاق.
وبلىستىڭ ەلدى مەكەندەرىنەن 110 مىڭ تەكشە مەتر قار شىعارىلدى. قاۋىپتىڭ بەتىن قايتارۋعا 2462 ادام, 1321 ارنايى تەحنيكا دايىن تۇر. وعان قوسا, 131 سۋ ايدايتىن, 45 سۋ ۇستىندە جۇزەتىن قۇرىلعىلار بار.
بايقال ءبايادىل,
«Egemen Qazaqstan»
اقمولا وبلىسى
