بىرلىگى جاراسقان اۋىل بار
سەنبى, 28 ءساۋىر 2012 1:05
وبلىستاعى اقتوعاي اۋدانىندا تۇراتىن وزگە ۇلت وكىلدەرى قاي سالادا بولماسىن بەلسەندى. وزدەرى تۋىپ-وسكەن اۋىلدارى ءۇشىن ەڭبەك ەتۋدە. مىسالى, ورىس يگور گولوۆاشوۆ باسقاراتىن «اقتوعاي-اگرو» فيرماسىن, ۋكرايندار اناتولي جانە ۆلاديمير فيليپيشيندەردىڭ «نادەجدا» جانە «ۆەسنا», نەمىس نيكولاي ۆيديكەردىڭ «قازاقستان», ينگۋش دەكالو مەرجوەۆتىڭ «العا», چەشەن ەلماح اليسۋلتانوۆتىڭ «بەيبىت» قوجالىقتارىن ۇلگى ەتىپ ايتۋعا بولادى.
سەنبى, 28 ءساۋىر 2012 1:05
وبلىستاعى اقتوعاي اۋدانىندا تۇراتىن وزگە ۇلت وكىلدەرى قاي سالادا بولماسىن بەلسەندى. وزدەرى تۋىپ-وسكەن اۋىلدارى ءۇشىن ەڭبەك ەتۋدە. مىسالى, ورىس يگور گولوۆاشوۆ باسقاراتىن «اقتوعاي-اگرو» فيرماسىن, ۋكرايندار اناتولي جانە ۆلاديمير فيليپيشيندەردىڭ «نادەجدا» جانە «ۆەسنا», نەمىس نيكولاي ۆيديكەردىڭ «قازاقستان», ينگۋش دەكالو مەرجوەۆتىڭ «العا», چەشەن ەلماح اليسۋلتانوۆتىڭ «بەيبىت» قوجالىقتارىن ۇلگى ەتىپ ايتۋعا بولادى.
سونىمەن قاتار, تاتار, ورىس, چەشەن-ينگۋش, ۋكراين, بولگار ەتنومادەني بىرلەستىكتەرى دوستىق, بىرلىك جولىندا بىرلەسە قىزمەت جاساۋدا. ءتىپتى, اۋدانداعى ءبىر عانا رازۋموۆ دەپ اتالىپ جۇرگەن اۋىلدىق اۋماقتا تۇراتىن تومەندەگى وتباسىلاردى اتاپ وتسەك, دوستىق, ءوزارا كەلىسىم دەگەنىمىز وسى دەپ ويلايسىز.
ەرتىس وزەنى جاعاسىنداعى بۇل اۋىل, اتىنىڭ ءوزى ايتىپ تۇرعانداي, وتارلاۋ ساياساتى كەزىندە العاشقى قونىس اۋدارۋشىلاردى قارسى العان اۋىل. وسى كۇنگى تۇرعىندارى العاشقى قونىستانۋشىلاردىڭ ۇرپاقتارى سانالادى.
ەكىنشىدەن, رازۋموۆ اۋىلدىق اۋماعىنا شەتەل اسقان ءوز قانداستارىمىزدىڭ قايتا ورالىپ, قازاقى ورتانى تولتىرىپ, وسى جەرگە قونىستانعانى دا قۇت-بەرەكە. رازۋموۆ اۋىلىن بولگار حالقىنىڭ وكىلدەرى العاش كەلگەن كەزدەن باستاپ, ياعني قازىرگى پەتر انگەلوۆتىڭ اتالارى دا مەكەندەپتى. ال پەتردىڭ ءوزى تىڭ يگەرۋ جىلدارى – 1954 جىلى وسى اۋىلدا ومىرگە كەلىپتى. جۇبايى – زاعيپا تەمىرعاليقىزى قازاق قىزى. ەكەۋى ءۇش بالانىڭ اتا-اناسى, نەمەرەلەرى بار. پەتر اعاي مەكتەپتە كۇزەتشى بولسا, زاعيپا ءۇي شارۋاسىندا. ەرلى-زايىپتى انگەلوۆتاردىڭ جەكە اۋلا شارۋاشىلىعىندا مالدارى, قۇستارى بار, باۋ-باقشا وسىرەدى.
ەكىنشى وتباسى ورىس ۆيكتور گەننادەۆيچتىڭ ايەلى ايگۇل تولەگەنقىزى دا قازاق, ەكەۋىنىڭ 6 بالاسى قازاق سىنىبىندا وقيدى, قازاقشا-ورىسشا اعىپ تۇر. ۆيكتور اعاي مەكتەپتە شارۋاشىلىق ءىسىنىڭ مەڭگەرۋشىسى. ال قازاق جومارت ءارىپوۆتىڭ زايىبى سۆەتلانا گەننادەۆنا – ورىس قىزى. ول كىسى قازاق شاڭىراعىنا كەلىن بولىپ تۇسكەنىن قاتتى قادىرلەپ, ۇلتىمىزدىڭ سالت-ءداستۇرىن جاقسى ۇيرەنىپ الىپتى. وتباسىندا 4 بالا بار.
بۇل اۋىلدا سونداي-اق سوناۋ الىستاعى قاپ تاۋىنداعى حالىقتاردىڭ ءبىرى – چەشەن ۇلتىنىڭ وكىلى انزوروۆتار تۇرادى. وتاعاسى باماتگيري انزوروۆ ءار ەتنوس ءوز اتا-بابا مەكەنىنە كەتە باستاعان كەزەڭدە ءبىزدىڭ ەلىمىزدەن باسقا جاققا كەتۋدى ويلارىنا دا الماعان ەكەن. ويتكەنى, تۋعان جەرى – قازاقستان. وتانى دا قازاقستان. رازۋموۆ اۋىلىندا 3 بالاسى مەن 9 نەمەرەسى تۋدى. ءبارى ءوسىپ-ءوندى. زەينەتكەرلىك جاسقا جەتسە دە باماتگيري اعاي اۋىل شارۋاشىلىعىمەن اينالىسىپ, مال وسىرەدى. اۋىل تۇرمىس-تىرشىلىگىنە ءدان ريزا. «تىنىشتىق بەسىگى – ەلىمىزدىڭ قارا شاڭىراعى امان بولسىن, قازاق حالقىنىڭ كەڭ پەيىلىنە, ەلباسىنا العىسىمىز شەكسىز», دەيدى ول.
فاريدا بىقاي.
پاۆلودار وبلىسى, اقتوعاي اۋدانى.
