توتەنشە جاعدايلار جونىندەگى دەپارتامەنتتىڭ ءباسپاسوز ورتالىعى تاراتقان اقپارات بويىنشا ءورت تۇتانعان كەزدە 13 جاستاعى قىز بالا ۇيدە بولعان. باسپانانىڭ ورتەنە باستاعانىن كورگەنننەن كەيىن تەرەزەنى سىندىرىپ, دالاعا شىققان. دەرەۋ جەتكەن اكەسى دالاعا جانۇشىرا شىققان قىزىن كورشىسىنە جىبەرىپ, ءوزى ءورتتى اۋىزدىقتاۋعا ۇمتىلعان. ۇيگە كىرگەنمەن, تۇتىنگە تۇنشىعىپ قالعان. ونىڭ ۇستىنە گاز باللونى جارىلىپ, ءۇي تۇگى قالماي جانىپ كەتكەن. مارقۇمنىڭ ءمايىتى ءۇيدىڭ كىرەبەرىسىنەن تابىلعان. 47 جاستاعى مارقۇمنىڭ ارتىندا ايەلى مەن ءۇش بالاسى قالدى.
توتەنشە جاعداي قىزمەتىنىڭ ماماندارى ءورت گاز باللونىن دۇرىس پايدالانباۋ سالدارىنان تۇتانعان دەگەن بولجام ايتىپ وتىر.
جامبىل اۋدانىندا ورتەنگەن ءۇيدىڭ ىشىنەنە كەيۋانانىڭ مۇردەسى تابىلعان. قىزىلجار اۋدانى پەنكوۆو اۋىلىندا جالپى اۋماعى 180 شارشى مەتر بولاتىن ەكى قاباتتى كوتتەدج ورتەنىپ كەتكەن.
جىل باسىنان بەرى وڭىردە 35 ءورت وقيعاسى تىركەلىپ, ءتورت ادام وپات بولعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
