بايقاۋدىڭ نەگىزگى ماقساتى - جوو-نىڭ جاستارى اراسىندا بايلانىستى دامىتىپ, ءوزارا تاجىريبە الماسۋ.
ۋنيۆەرسيتەتتىڭ ءباسپاسوز قىزمەتىنىڭ مالىمەتى بويىنشا, «جوبالىق Start» بايقاۋىندا جاس تالانتتى ستۋدەنتتەر «الەۋمەتتىك», «IT», «عىلىم», «startup» باعىتتارى بويىنشا تىڭ جوبالارىمەن جانە قىزىقتى يدەيالارىمەن ءبولىستى. بايقاۋعا الماتى قالاسىنىڭ 12 جوعارى وقۋ ورنىنىڭ وكىلدەرى قاتىستى, ولاردىڭ قاتارىندا Satbayev University, ءال-فارابي اتىنداعى قازۇۋ, قازاق ۇلتتىق قىزدار پەداگوگيكالىق ۋنيۆەرسەتەتى, الماتى تەحنولوگيالىق ۋنيۆەرسيتەتى, تۇران ۋنيۆەرسيتەتى, حالىقارالىق بيزنەس ۋنيۆەرسيتەتى, قازاق ۇلتتىق اگرارلىق ۋنيۆەرسيتەتى, قۇرمانعازى اتىنداعى قازاق ۇلتتىق كونسەرۆاتورياسى, الماتى ەنەرگەتيكا جانە بايلانىس ۋنيۆەرسيتەتى, قازاق-بريتان تەحنيكالىق ۋنيۆەرسيتەتى, و.تانسىقباەۆ اتىنداعى الماتى ساندىك-قولدانبالى ونەر كوللەدجى بار.
ءىس-شارا جوبالارى بايقاۋىنىڭ جەڭىمپازدارىنىڭ جۇلدە قورى ءى ورىن - 100 000 تەڭگە, ءىى ورىن - 70 000 تەڭگە, ءىىى ورىن - 50 000 تەڭگە. سونىمەن قاتار, 5 ىنتالاندىرۋ سىيلىقتارى بەرىلدى.
وسى بايقاۋ بارىسىندا ء ى ورىندى ۇزدىك جوبا يەگەرى رەتىندە Satbayev University, ءىى ورىندى قازاق ۇلتتىق اگرارلىق ۋنيۆەرسيتەتى, ءىىى ورىندى الماتى تەحنولوگيالىق ۋنيۆەرسيتەتى جەڭىپ الدى.
اباي اتىنداعى قازۇپۋ «جوبالىق start» مەگاجوباسىن الماتى قالاسىنىڭ جوعارى وقۋ ورىندارىنا ەستافەتا جولدادى. وسى باستامامەن بەلسەندى جاستار بولاشاقتا يدەولوگيالىق, يننوۆاتسيالىق جوبالاردى ازىرلەۋ جانە ەنگىزۋ ارقىلى ەلدىڭ دامۋىنا ەلەۋلى ۇلەس قوساتىنى انىق.
ەلۆيرا سەرىكقىزى,
«ەqemen Qazaqstan»
الماتى
