ايتا كەتۋ كەرەك, بۇگىندە بۇل ءىرى سەرىكتەستىككە بىرنەشە كاسىپ نىسانى كىرەدى. سونىن ءبىرى - «تەررا» جشس مال بورداقىلاۋ الاڭى. 2011 جىلى العاش رەت اۋستراليا ەلىنىڭ «ابەردين – انگۋس» تۇقىمىن اكەلىپ, ءىرى قارا باسىن كوبەيتۋدى ماقسات ەتكەن ەدى. كەيىنگى جىلدارى ىرگەلى شارۋاشىلىق مال باسىن 8 مىڭ باسقا دەيىن جەتكىزىپ, وتكەن جىلى 20 مىڭ مال باسى كورسەتكىشىن باعىندىردى. «استىق يندۋسترياسى» حولدينگىنىڭ باسشىلىعى ءماجىلىس دەپۋتاتتارىنا جۇزەگە اسقان جوبالار مەن باعىندىرعان جەتىستىكتەرى جايلى بايان ەتتى. اسىرەسە, سوڭعى جىلدارى ءساتتى باستامالاردىڭ ءبىرى اسىل تۇقىمدى مال باسىن كوبەيتۋ ءىسى ورگە دومالاپ كەلەدى.
- ەت كلاستەرىنىڭ نەگىزگى ماقساتى – سيىر ەتىنىڭ كولەمىن ودان ءارى ارتتىرۋ. مىسالى, 2018 جىلى 101 مىڭ مال باسىنا شاقتالعان مال بورداقىلاۋ الاڭىن تۇرعىزدىق. بۇل دەگەنىمىز 2,5 مىڭ توننا سيىر ەتى بولسا, ونىڭ جارتىسىنان كوبى رەسەي جانە وزبەكستانعا ەكسپورتتالدى, - دەيدى «استىق يندۋسترياسى» اگروحولدينگىنىڭ باس ديرەكتورى داۋلەت احمەتقاليەۆ.
ونىڭ سوزىنشە, الداعى ۋاقىتتا كومپانيا 5 مىڭ توننا ەت ءوندىرىپ, 2 مىڭ تونناسىن سىرتقا جونەلتۋدى مەجەلەپ وتىر. شارۋاشىلىقتا تسيفرلى تەحنولوگيالار دا كەڭىنەن قولدانىلادى. «اقىلدى ەت فەرماسى» وز تيىمدىلىگىن كورسەتىپ, شىعىندى ازايتۋعا مۇمكىندىك بەردى. ءىرى قاراعا ارنالعان ارنايى ازىق بەرۋ جۇيەسى دە قۇراستىرىلعان.
- تاعى ءبىر باسىمدىق بەرىلگەن ەكسپورتتىق پوزيتسيا – ەت. بۇگىندە قازاقستان 900 مىڭ توننادان استام ەت وندىرەدى, وسى باعىت بويىنشا ۇلكەن ەكسپورتتىق الەۋەتكە يە. بۇگىندە بارلىق مال باسى مەن ونىمدىلىكتى ارتتىرۋعا ەلىمىزدىڭ زور مۇمكىندىگى بار. ال مال شارۋاشىلىعى ونىمدەرىن وتكىزۋ نارىقتارىنىڭ سىيىمدىلىعىنا كەلەر بولساق, ول ەلدىڭ ىشكى نارىعىندا دا, شەكارالاس مەملەكەتتەر بويىنشا دا جەتكىلىكتى. وسىلايشا, ەلدىڭ اگروونەركاسىپتىك كەشەنى ۇلكەن الەۋەتكە يە بولعاندىقتان, ونىڭ سىرتقى نارىقتاعى دامۋ كەلەشەگى زور. 2017-2027 جىلدارعا ارنالعان ۇلتتىق باعدارلامادا اسىل تۇقىمدى مال باسىن كوبەيتۋگە دە ەرەكشە دەن قويىلىپ وتىر. ءبىر عانا جەرگىلىكتى حولدينگ وزگە ءىرى شارۋاشىلىقتارعا ۇلگى بولا الاتىندىعىن ايتادى, - دەدى پارلامەنت ماجىلىسىنىڭ دەپۋتاتى ارمان قوجاحمەتوۆ.
حولدينگكە قاراستى «تەررا» شارۋاشىلىعىندا 40 تان استام قىزمەتكەر بار. مەملەكەتتىك باعدارلامالار اياسىندا سۋبسيديالار دا قاراستىرىلعان. حولدينگ باسشىلىعى بولاشاقتا ەت ءوندىرۋ ءىسىن دوڭگەلەتىپ, حالىقارالىق دەڭگەيگە شىعۋ جوسپارى بار ەكەندىگىن ايتتى.
ال حالىق قالاۋلىلارى مال شارۋاشىلىعى سالاسىنداعى كەڭ كولەمدى جوبالارعا وڭ باعالارىن بەردى. الداعى ۋاقىتتا ەت ءوندىرىسى العا باسىپ, ەكونوميكانىڭ نەگىزگى تىرەگىنە اينالاتىندىعىنا سەنىم ءبىلدىردى.
