دەپۋتاتتارمەن بىرگە «نۇر وتان» پارتياسى قىزىلوردا وبلىستىق فيليالى توراعاسىنىڭ ورىنباسارى ەرجان بايتىلەس جانە اۋدان اكىمى مۇحتار ورازباەۆ بىرقاتار نىسانداردى ارالادى.
حالىق قالاۋلىلارى الدىمەن «قامباش» وليمپيادا جانە قوسىمشا ءبىلىم بەرۋ ورتالىعىندا بولىپ, ۇجىمىمەن كەزدەستى.
«ارالتۇز» اق تۇز وڭدەۋ تسەحىنداعى تۇزدى وڭدەۋ, قاپتاۋ, بريكەتتەۋ, تۋبۋس قوراپشالارىنا سالۋ, پوليەتيلەن پاكەتتەرىن شىعارۋ جۇمىستارىمەن تانىستى. ۇجىممەن قىزمەتكەرلەرىنە اس تۇزىنىڭ ماڭىزدىلىعىن ايتا وتىرىپ, جۇمىستارىنا ساتتىلىك تىلەدى.
ماجىلىسمەندەردىڭ كەلەسى ايالداعان جەرى قاراشا ايىندا پايدالانۋعا بەرىلگەن 150 توسەكتىك ورتالىق اۋرۋحانا بولدى. جاڭا قۇرال-جابدىقتاردى كورىپ, اۋدانداعى دەنساۋلىق ساقتاۋ سالاسىنداعى جاڭالىقتارعا قانىق بولدى. ودان سوڭ اۋرۋحانا ءىشىن ارالاپ, ەمدەلۋشىلەرمەن جانە اقحالاتتى جاندارمەن جۇزدەسىپ, پىكىر الماستى.
سودان كەيىن جاڭادان سالىنعان 27 كوممۋنالدىق ءبىر پاتەرلى تۇرعىن ۇيلەردىڭ جاعدايىمەن تانىسىپ, تۇرعىندارمەن كەزدەستى. حالىق قالاۋلىلارى تۇرعىنداردى جاڭا قونىستارىمەن قۇتتىقتاپ, اۋلالارىڭىزدى كوگالداندىرىپ, تۇرعىن ۇيلەردى وسى قالپىندا تازا ۇستاۋ جونىندە پىكىرلەرىن جەتكىزدى. ءوز كەزەگىندە تۇرعىندار دا ريزاشىلىقتارىن ءبىلدىردى.
جۇمىس ساپارى №14 ن.كرۋپسكايا اتىنداعى مەكتەپ-ليتسەيىندە جالعاستى. پرەزەنتاتسيا ارقىلى مەكتەپ تاريحىمەن تانىسقان دەپۋتاتتار, روبوتەحنيكا كابينەتىندە جانە زاماناۋي قۇرالدارمەن جابدىقتالعان حيميا كابينەتىندە بولىپ, وقۋشىلاردىڭ شىعارماشىلىق جۇمىستارىمەن, سونداي-اق جاساپ جاتقان تاجىريبە جۇمىستارىنا كۋا بولدى.
