ونىڭ ايتۋىنشا, دەنساۋلىق سالاسىن اقپاراتتاندىرۋ بويىنشا قالا اۋدان ورتالىقتارىنداعى مەديتسينالىق مەكەمەلەر 100 پايىز ينتەرنەتپەن قامتىلعان. ال, اۋىلدىق وكرۋگتەردى 2021 جىلعا قاراي 100 پايىزعا دەيىن قامتاماسىز ەتۋ جوسپارلانىپ وتىر.
«2018 جىلى وبلىستىق بيۋدجەت ەسەبىنەن 5728 كومپيۋتەر ساتىپ الىندى. بۇگىنگى كۇنگە 5728 كومپيۋتەر جەتكىزىلىپ, قامتاماسىز ەتۋ كورسەتكىشى 64 پايىزدان 100 پايىزعا جەتكىزىلدى. سونداي-اق, تۇركىستان وبلىسى بويىنشا 1 909744, ياعني 100 پايىز ەلەكتروندىق دەنساۋلىق پاسپورتتارى جاساقتالدى. 19 220 مەديتسينا قىزمەتكەر مەديتسينالىق اقپاراتتىق جۇيەگە وقىتىلدى. قازىرگى تاڭدا 441 717 ادام موبيلدىك قوسىمشامەن پايدالانادى. ناتيجەسىندە ەلەكتروندى جۇيەنىڭ كومەگىمەن 2 001533 ازامات دارىگەردىڭ قابىلداۋىندا بولعان, 1 783 401 ادام باسقا دا مەديتسينالىق كومەكتەرگە جۇگىنگەن, 64 258 پاتسيەنتكە ەڭبەككە جارامسىزدىق پاراعى ەلەكتروندىق نۇسقادا بەرىلگەن. ودان بولەك, اۋداندىق, قالالىق ەمحانالاردا 20 تسيفرلىق كومەك پوستتارى اشىلىپ, وسى پوستتاردا 558 624 ادام وقىتىلدى», – دەدى باسقارما باسشىسى.
2018 جىلى مەديتسينالىق ۇيىمداردىڭ ماتەريالدىق-تەحنيكالىق جابدىقتالۋىنا 8,1 ملرد. تەڭگە ءبولىنىپ, 65,75 پايىزدى قۇرادى. وتكەن جىلمەن سالىستىرعاندا 1,5 ەسەگە ارتىپ وتىر.
ستاتسيونارلاردىڭ قابىلداۋ بولىمشەلەرىندە ترياج جۇيەسى ورناتىلدى. جەدەل مەديتسينالىق كومەك قىزمەتىندە «كومەك» اۆتوماتتاندىرىلعان باسقارۋ جۇيەسى ەنگىزىلدى. بارلىق ماشينالار GPS ناۆيگاتسيامەن قامتاماسىز ەتىلگەن.
ايتا كەتەيىك, الداعى ۋاقىتتا تۇركىستان قالاسىنان تۇركىستان قالالىق ەمحانا, 610 توسەك ورىنعا ارنالعان وبلىستىق كوپسالالى اۋرۋحانا, وبلىستىق تۋبەركۋلەزگە قارسى جانە ونكولوگيالىق ورتالىق سالۋ جانە وبلىستىق جەدەل جاردەم ستانسىسىن جاڭعىرتۋ جانە پايدالانۋ جوبالارى جوسپارلانعان.
اتقارىلعان جۇمىستارعا قانىققان ايماق باسشىسى «دەنساۋلىق» باعدارلاماسىنا سايكەس انا مەن بالا ءولىمى, تۋبەركۋلەز, قان اينالىمى جۇيەسى جانە قاتەرلى ىسىكتەن بولاتىن ءولىم-ءجىتىم كورسەتكىشتەرىنىڭ ورىندالۋىندا جوعارعى ناتيجەگە قول جەتكىزۋ ماقساتىندا ناقتى ءىس-شارالاردى ۇيىمداستىرۋدى, تۇرعىندار اراسىندا اقپاراتتىق – اعارتۋ جۇمىستارىن كۇشەيتۋدى تاپسىردى. جىل قورىتىندىسى بويىنشا جۇمىستاردى ءوز دەڭگەيىندە ۇيىمداستىرماي تومەنگى كورسەتكىشتەر قاتارىنداعى باس دارىگەرلەردىڭ جاۋاپكەرشىلىگىن قاراۋدى جۇكتەدى.
