«الماتى» اۋدانىندا قار تازالاۋعا 513, «بايقوڭىر» اۋدانىندا 283, «ەسىل» اۋدانىندا 699 جانە «سارىارقا» اۋدانىندا 603 جۇمىسكەر شىقتى.
ەلوردانىڭ ءتورت اۋدانىندا قار تازالاۋعا مامانداندىرىلعان تەحنيكانىڭ مىڭعا تارتا بىرلىگى جۇمىلدىرىلعان.
«الماتى» اۋدانىندا تەحنيكانىڭ 262 بىرلىگى قار جيناۋدا. ونىڭ 42-ءسى – فرونتالدى تيەگىشتەر, 111-ءى – جۇك تۇسىرگەشتەر, 41-ءى – متز سىپىرعىشى, 46-سى – سۋارۋ-جۋ ماشينالارى, 5-ءى – اۆتوگرەيدەر, 10-ى – قۇم شاشقىشتار, 7-ءى – جۇك تيەگىشتەر. «بايقوڭىر» اۋدانىندا قار تازالاۋ جۇمىستارىنا تارتىلعان تەحنيكانىڭ جالپى سانى 128 بىرلىكتى قۇرايدى» دەپ مالىمدەدى قالا اكىمدىگى.
قاردان تازارتۋ جۇمىستارىنا جۇمىلدىرىلعان تەحنيكا سانى بويىنشا ەسىل اۋدانى الدىڭعى قاتاردا. مۇندا 329 مامانداندىرىلعان تەحنيكانىڭ بىرلىگى جۇمىس ىستەۋدە.
ال «سارىارقا» اۋدانىن قاردان تازارتۋ جۇمىستارىن 255 بىرلىك تەحنيكا جۇزەگە اسىرادى.
