ۇلتتىق ەكونوميكا مينيسترلىگىنە قارجى, ءبىلىم جانە عىلىم مينيسترلىكتەرىمەن بىرگە جانە اكىمدەرگە مەكتەپ سالۋ مەن جوندەۋ فۋنكتسيالارىن ولاردى قارجىلاندىرۋ فۋنكتسيالارىمەن بىرگە وڭىرلەرگە بەرۋ ماسەلەسىن پىسىقتاۋ تاپسىرىلدى. بۇل بيۋدجەت پروتسەسىن وڭايلاتىپ, مەكتەپتەردى سالۋدى نەمەسە جوندەۋدى جىلدامداتۋعا مۇمكىندىك بەرەدى.
مەديتسينا جۇمىسكەرلەرىنىڭ پراكتيكالىق دايارلىعىن كۇشەيتۋ ءۇشىن دەنساۋلىق ساقتاۋ مينيسترلىگى پراكتيكالىق داعدىلاندىرۋعا نازار اۋدارا وتىرىپ, حالىقارالىق ستاندارتتار بويىنشا وقىتۋدىڭ قازىرگى زامانعى باعدارلامالارىنا كوشۋ جونىندە ۇسىنىستار ەنگىزىپ, اكىمدەرمەن بىرگە بيىل مەملەكەتتىك اۋرۋحانالاردى مەنشىكتى كلينيكالىق بازالار رەتىندە مەديتسينالىق جوعارى وقۋ ورىندارىنا بەرۋ ماسەلەسىن پىسىقتاۋى ءتيىس.
ەڭبەك جانە حالىقتى الەۋمەتتىك قورعاۋ مينيسترلىگى ۇلتتىق ەكونوميكا, قارجى, ءبىلىم جانە عىلىم مينيسترلىكتەرىمەن بىرگە:
جۇمىس ىستەپ جۇرگەن ادامداردى ۇزدىكسىز وقىتۋدىڭ كەشەندى جۇيەسىن ىسكە قوسۋدى (life-long learning) قامتاماسىز ەتۋى ءتيىس;
جۇمىس بەرۋشىلەرمەن ىنتىماقتاسا وتىرىپ, سالىقتىق شەگەرىمدەردى كاسىپورىنداردىڭ پەرسونالىن وقىتۋ شىعىستارىنا قولدانۋ مۇمكىندىگىن زەردەلەۋى قاجەت;
قايتا دايارلاۋ جانە بىلىكتىلىكتى جوعارىلاتۋ كۋرستارىنا اقى تولەۋدىڭ ۆاۋچەرلىك نەگىزدەرىن قاراستىرۋ قاجەت;
ەلەكتروندىق ەڭبەك بيرجاسىنىڭ نەگىزىندە كاسىپتىك داعدىعا وقىتاتىن, سونداي-اق, «قاجەتتى» داعدىلاردى ۇيرەتەتىن جانە العان داعدىلارىن جۇمىس بەرۋشىلەر مويىندايتىنداي سەرتيفيكات بەرەتىن وقۋ كۋرستارىنىڭ اۋقىمدى تىزبەسى بار جالپىۇلتتىق وقىتۋدىڭ ونلاين-پورتالىن ىسكە قوسۋدى قامتاماسىز ەتۋ تاپسىرىلدى.
اقپارات جانە كوممۋنيكاتسيالار مينيسترلىگى مۇددەلى مەملەكەتتىك ورگاندارمەن بىرگە:
مەملەكەتتىك ورگانداردا قازىرگى بيزنەس پروتسەستەردى تۇبەگەيلى قايتا قاراۋ جونىندەگى شارالاردى ازىرلەسىن, ەڭ الدىمەن, قاعازدان باس تارتىپ, 2020 جىلدان باستاپ تولىقتاي ەلەكتروندى قۇجات اينالىمىنا كوشۋى قاجەت;
حالىققا جۇرگىزىلىپ جاتقان رەفورمالار تۋرالى ۇنەمى اقپارات بەرىپ, كەرى بايلانىستى قامتاماسىز ەتۋى قاجەت.
ۇلتتىق ەكونوميكا مينيسترلىگىنە قارجى مينيسترلىگىمەن بىرگە:
الەۋمەتتىك تولەمدەردى ەسەپتەۋ جانە ەڭبەكاقى تولەۋ قورىنان بىرىڭعاي تولەم تۇرىندە تولەۋ ءتارتىبىن وڭايلاتۋ قاجەت;
جەكە تۇلعالار ءۇشىن جەر سالىعى مەن ونداعى قۇرىلىسقا سالىناتىن سالىقتى جىلجىمايتىن م ۇلىككە سالىناتىن ءبىر سالىققا قوسۋ ماسەلەلەرىن پىسىقتاسىن جانە كوپ پاتەرلى تۇرعىن ۇيلەردە جەر سالىعىن الىپ تاستاۋ ماسەلەسىن قاراۋ تاپسىرىلدى.
يندۋستريا جانە ينفراقۇرىلىمدىق دامۋ مينيسترلىگى:
دەنساۋلىق ساقتاۋ, اۋىل شارۋاشىلىعى مينيسترلىكتەرىمەن جانە «اتامەكەن» ۇلتتىق كاسىپكەرلەر پالاتاسىمەن بىرگە 2019 جىلدىڭ ورتاسىنا دەيىن «ساپالى قازاقستان» كەشەندى جوسپارىن ازىرلەپ, قابىلداسىن, وندا حالىقارالىق دەڭگەيگە سايكەس كەلەتىن قازاقستاندىق ستاندارتتاردى, تەحنيكالىق رەگلامەنتتەر مەن نورمالاردى 3 جىل ىشىندە ەنگىزۋدى, زاماناۋي زەرتحانالىق بازانى دامىتۋدى ەسكەرۋى ءتيىس;
اقپارات جانە كوممۋنيكاتسيالار مينيسترلىگىمەن, نازارباەۆ ۋنيۆەرسيتەتىمەن بىرگە الدىڭعى قاتارلى عىلىمي-تەحنولوگيالىق كومپانيالاردى قۇرىلعان يننوۆاتسيالىق ەكوجۇيەنى, ونىڭ ىشىندە Astana Business Campus پەن Astana Hub حالىقارالىق ات ستارتاپتار تەحنوپاركىن ودان ءارى دامىتۋعا ستراتەگيالىق ارىپتەس رەتىندە تارتۋدى پىسىقتاۋى ءتيىس.
سونىمەن قاتار, پرەمەر-مينيستر پرەزيدەنت بەلگىلەپ بەرگەن مىندەتتەردىڭ ءبارى ناقتى ورىندالۋى ءتيىس ەكەنىن اتاپ ءوتتى. مەملەكەتتىك ورگانداردىڭ باسشىلارىنا مەملەكەت باسشىسىنىڭ تاپسىرمالارىن ىسكە اسىرۋ بويىنشا ۇسىنىستاردى ۇكىمەتتىڭ اعىمداعى جىلعى جۇمىس جوسپارىنا قوسۋ ءۇشىن ۇلتتىق ەكونوميكا مينيسترلىگىنە ءۇش كۇن مەرزىمدە ەنگىزۋ تاپسىرىلدى.
