استانالىق حوككەيشىلەردىڭ باسقا دا ناتيجەلەرى قۋانتارلىق. ماسەلەن, ءوز مۇز ايدىنىندا جاساعان سوققىلاردىڭ سانى بويىنشا قحل-داعى كوماندالار اراسىنان العاشقى بولىپ ولار ءبىر مىڭدىق مەجەدەن استى. وسى كۇنگە دەيىن «بارىستىڭ» ويىنشىلارى 1004 رەت سوققى جاسادى. سونىڭ 85-ءى قاقپا تورىنان تابىلدى. بۇل – 8,47 پايىزدىق كورسەتكىشتى قۇرايدى. جەرلەستەرىمىزدەن كەيىنگى ورىندارعا مىنا كلۋبتار جايعاستى: «اۆانگارد» – 974 سوققى (84 گول, 8,62 پايىز), «لوكوموتيۆ» – 932 سوققى (65 گول, 6,97 پايىز), «تورپەدو» – 924 سوققى (87 گول, 9,42 پايىز) جانە سكا – 920 سوققى (91 گول, 9,89 پايىز).
«بارىستىڭ» سىرتتاعى مۇز ايدىندا جاساعان سوققىلارىنىڭ سانى بەس كوماندادان كەم بولعانىمەن, ونىمدىلىگى جاعىنان ولاردىڭ كوشى وزگەلەردەن ىلگەرى. اتاپ ايتساق, تۇزدە استانالىق حوككەيشىلەر 749 سوققى جاساپ, 89 گول سوقتى. بۇل – 11,88 پايىزدىق كورسەتكىشتى قۇرايدى. ياعني, قحل-داعى ەڭ وزىق ناتيجە. ودان كەيىنگى ورىنداردا سكا – 11,06 پايىز (96 گول, 868 سوققى), «اۆتوموبيليست» – 10,29 پايىز (90 گول, 875 سوققى), تسسكا - 9,55 پايىز (80 گول, 838 سوققى) جانە «تورپەدو» – 9,45 پايىز (72 گول, 762 سوققى).
ال تۇزدەگى جانە ءوز ايدىنىنداعى ويىنداردى قوسا العاندا سوققىلاردىڭ ونىمدىلىگى جاعىنان «بارىس» ءۇشىنشى ورىندا تۇر. ءبىزدىڭ جىگىتتەر 9,93 پايىزدىق كورسەتكىشكە يە. ياعني, 1750 سوققىنىڭ 174-ءى گولعا ۇلاستى. الىمىزدا سكا مەن «يوكەريت». سانكت-پتەرەبۋرگتىڭ ورەندەرىنىڭ ناتيجەسى – 10,46 پايىز (187 گول, 1788 سوققى). فيندەردىڭ مەجەسى – 10,23 پايىز (175 گول, 1788 سوققى).
عالىم سۇلەيمەن,
«Egemen Qazaqstan»
