جوبا تۋرالى اگەنتتىكتىڭ اۋماقتىق دەپارتامەنتىنىڭ سىبايلاس جەمقورلىق پروفيلاكتيكاسى باسقارماسىنىڭ باس مامانى ەربول جۇماباي تولىعىراق ءتۇسىندىرىپ ءوتتى. نەگىزگى مىندەتتەرى – تۇرعىنداردىڭ سىبايلاس جەمقورلىققا قارسى مىنەز-ق ۇلىق ۇلگىسىن ودان ءارى دامىتۋ مەن جەمقورلىق ماسەلەسىن مەملەكەتتىك قىزمەت كورسەتۋ ساپاسىن ارتتىرۋ ارقىلى شەشۋ, تۇرمىستىق جەمقورلىقتى جويۋ, ازاماتتار جانە بيزنەس ءۇشىن كەدەرگىسىز جانە قولايلى جاعدايلار جاساۋ, مەملەكەتتىك ورگاندار قىزمەتىنىڭ اشىقتىعى, اۋقىمدى قوعامدىق باقىلاۋ جۇرگىزۋ.
جوبا اياسىندا مەملەكەتتىك مەكەمە قىزمەتكەرلەرىنىڭ ەڭبەكاقىسىن قايتا قاراۋ, مەكەمە باسشىلارىنىڭ جەكە جاۋاپكەرشىلىگىن ارتتىرۋ, قىزمەتتەردىڭ بارلىق باعىتتارى بويىنشا سىبايلاس جەمقورلىققا قارسى ءىس-قيمىلدى ارتتىرۋ جانە تاعى باسقا ماسەلەلەر قامتىلادى. ماڭعىستاۋ تۇرعىندارى مەن قوناقتارى مەملەكەتتىك ورگانداردىڭ قىزمەتىن جاقسارتۋ جانە سىبايلاس جەمقورلىقتىڭ دەڭگەيىن تومەندەتۋ, جويۋ بويىنشا وزدەرىنىڭ ۇسىنىستارىن ەڭگىزە الادى. سونداي-اق, جۇمىس بارىسىندا تۋىنداعان ماسەلەلەردى قاراۋ ءۇشىن كاسىپكەرلەر, عالىمدار, ازاماتتىق سەكتوردىڭ جانە باق وكىلدەرى اراسىنان ساراپشىلار تارتىلماق.
سونىمەن قاتار «ماڭعىستاۋ – ادالدىق الاڭى» جوباسىنا سايكەس, سىبايلاس جەمقورلىققا قارسى ءىس-قيمىلدا جاڭا ادىستەر ەنگىزۋ ماقساتىندا جوبا مەنەدجمەنتى قولدانىلاتىن بولادى. ول ماقساتتا, جوبا اياسىندا ماڭعىستاۋ وبلىسى اكىمدىگىنىڭ, جەرگىلىكتى اتقارۋشى ورگاندار قىزمەتكەرلەرى قاتارىنان جوبا كەڭسەسى قۇرىلىپ, تۇرعىنداردىڭ تۇرمىس ساپاسىن ارتتىرۋعا بار كۇشىمىزدى سالامىز دەگەن تىلەگىن جەتكىزدى.
ايتا كەتۋ كەرەك, جوبالىق كەڭسە «سىبايلاس جەمقورلىقتان ادا وڭىرلەر» اتتى جوبانى جۇزەگە اسىرۋ اياسىندا ەلىمىزدىڭ بارلىق وبلىستارىندا اشىلعان بولاتىن.
اكادەميا تىڭداۋشىلارىنىڭ الدىندا ءسوز سويلەگەن اگەنتتىكتىڭ اۋماقتىق دەپارتامەنتى باسشىسىنىڭ ورىنباسارى ەرلەگەن مەنداليەۆ, قولعا الىنعان جوبا اياسىندا بىرقاتار اۋقىمدى جۇمىستار اتقارىلاتىنىن ايتتى.
- ەلباسى نۇرسۇلتان نازارباەۆ قازاقستان حالقىنا «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا سىبايلاس جەمقورلىقپەن كۇرەستى جالعاستىرۋ كەرەكتىگى ايتىلعان بولاتىن جانە «سىبايلاس جەمقورلىقتان ادا وڭىرلەر» جوباسى اياسىندا جوبالىق كەڭسەلەردىڭ اشىلۋىن قامتاماسىز ەتۋ تاپسىرىلعان. وسى جوبانىڭ جۇزەگە اسىرىلۋى ءوڭىر تۇرعىندارى اراسىندا سىبايلاس جەمقورلىققا قارسى مادەنيەتتى قالىپتاستىرۋ بويىنشا ءوز جەمىسىن بەرەدى دەپ سەنەمىز, دەدى ول.
گۇلايىم شىنتەمىرقىزى,
«Egemen Qazaqstan»
ماڭعىستاۋ وبلىسى
