شىمكەنت اكىمشىلىك سوتىندا 2018 جىلدىڭ ماۋسىم ايىنان بەرى اتالعان جوبا بويىنشا جول-كولىك وقيعالارىنا قاتىستى 1211 اكىمشىلىك ءىس قارالاعان. نەگىزىنەن وسى جوبا بويىنشا قر-نىڭ اكىمشىلىك قۇقىق بۇزۋشىلىق تۋرالى كودەكسىنىڭ 610-بابىنىڭ 1-بولىگىمەن قۇقىق بۇزۋشى مويىنداعان جانە ەكى تاراپ ءوزارا كەلىسكەن اكىمشىلىك ىستەر قارالادى.
سونداي-اق, بىلتىر بۇل جوبا بويىنشا سوت تاراپىنان قۇقىق بۇزۋشىلارعا سالىنعان ايىپپۇلدى مەملەكەتتىڭ پايداسىنا ءوز ەركىمەن تولەۋ كورسەتكىشى 90 پايىزدى قۇراعان. وسىلايشا, قازىرگى كەزدە شىمكەنت قالاسىنىڭ اكىمشىلىك سوتىندا «تۇنگى سوت» پيلوتتىق جوباسى جۇرگىزۋشىلەرگە ءۇشىن قولايلى قىزمەت تۇرىنە اينالىپ وتىر.
اتالعان جوبا ءبىرىنشى كەزەكتە تاراپتاردىڭ جاۋاپكەرشىلىگىن انىقتاپ, كەلتىرىلگەن زياننىڭ ورنىن تولتىرۋ ماسەلەلەرىن جىلدام شەشۋمەن ەرەكشەلەنەدى. سونىمەن قاتار, اكىمشىلىك سوتتا ءىستى قىسقا مەرزىمدە قاراۋعا مۇمكىندىك تۋعىزىپ, جابىرلەنۋشىگە دە ساقتاندىرۋ كومپانياسىنان بەرىلەتىن ءتيىستى تولەماقىنى دەر كەزىندە الۋىنا كومەكتەسەدى.
نۇرشات توكەن,
«Egemen Qazaqstan»
شىمكەنت
