ۆيتسە-ءمينيستردىڭ ايتۋىنشا, جوبانىڭ ءۇش نەگىزگى مىندەتى بار, ولار:
ينفراقۇرىلىمدى جوسپارلاۋدى جۇيەگە كەلتىرۋ;
العاشقى مەديتسينالىق كومەكتىڭ قولجەتىمدىلىگىن جانە ساپاسىن باسىمدىقپەن ارتتىرۋ جانە مەديتسينالىق كومەكتىڭ پاتسيەنتكە باعدارلانعان قامتاماسىز ەتۋ ماقساتىندا دەنساۋلىق ساقتاۋ ۇيىمدارى جەلىسىنىڭ كونفيگۋراتسياسىن وزگەرتۋ;
ينۆەستيتسيالاردى تارتۋ ارقىلى ينفراقۇرىلىمدى جاڭعىرتۋ.
وسى ءىس-شارالار شەڭبەرىندە 2025 جىلعا دەيىن مىناداي ينديكاتورلار ايقىندالدى:
- 17 وڭىرلىك پەرسپەكتيۆالىق جوسپاردىڭ نەگىزىندە ينفراقۇرىلىمدى جوسپارلاۋ;
- جالپى پراكتيكا دارىگەرىنىڭ جۇكتەمەسىن 1500 قىزمەت كورسەتىلەتىن حالىققا دەيىن تومەندەتۋ جانە جالپى پراكتيكا دارىگەرلەرىنىڭ ۋچاسكەلەرىن 10 ۋچاسكەگە 1 وبەكتكە دەيىن شاعىنداۋ;
- قالالاردا ورتاشا قۋاتى 500 توسەككە دەيىنگى ءىرى مەديتسينالىق كلاستەرلەردى قۇرا وتىرىپ, اۋرۋحانالىق سەكتوردى وڭتايلاندىرۋ;
- 1,3 ترلن. تەڭگە سوماسىندا ينۆەستيتسيالاردى تارتۋ جانە دەنساۋلىق ساقتاۋ سالاسىنداعى ينۆەستيتسيالاردىڭ جالپى كولەمىنەن جەكەشە ينۆەستيتسيالاردىڭ ۇلەسىن 60%-عا دەيىن جەتكىزۋ.
مينيسترلىك قازاقستان رەسپۋبليكاسى ۇكىمەتىنىڭ 2018 جىلعى 11 قاڭتارداعى وتىرىسىندا ماقۇلدانعان تاسىلدەرگە سايكەس دەنساۋلىق ساقتاۋ مينيسترلىگى وڭىرلەرمەن بىرلەسىپ, ءاربىر ءوڭىردىڭ قاجەتتىلىگى مەن باسىمدىقتارىنا سايكەس جەلىنىڭ جاڭارتىلعان ءنورماتيۆتىن ەسكەرە وتىرىپ, جوسپارلاۋدىڭ جاڭا جۇيەسىن ىسكە اسىرۋدا.
«بىزدە, ينۆەستيتسيالاردىڭ تالاپ ەتىلەتىن كولەمىن كورسەتىلگەن 2025 جىلعا دەيىنگى ءىس-قيمىل جوسپارى بار.
بىرىڭعاي پەرسپەكتيۆالىق جوسپاردىڭ نەگىزىندە, ينۆەستيتسيالىق جوسپارلاۋدى زاڭدى تۇردە بەكىتۋ ءۇشىن قازىرگى ۋاقىتتا دەنساۋلىق ساقتاۋ تۋرالى كودەكسكە وزگەرىستەر ەنگىزىلۋدە.
دۇنيەجۇزىلىك بانك قارىزىنىڭ شەڭبەرىندە, پەرسپەكتيۆالىق جوسپارلاردى ناقتىلاۋ جۇمىسى جۇرگىزىلەتىن بولادى, مۇندا اۋرۋلاردىڭ نەگىزگى تيپتەرى بولىنىسىندە جانە وڭىرلەر بولىنىسىندە (جانە جابدىقتار) قىزمەتتەر تۇرلەرىنە قاجەتتىلىك ەسەپتەلەدى.
بۇل جۇمىستى دەنساۋلىق ساقتاۋ باسقارمالارىمەن بىرلەسىپ, 2019 جىلعى 3-توقساندا اياقتاۋدى جوسپارلاپ وتىرمىز» دەدى ا.تسوي.
سونىمەن قاتار, مەملەكەت باسشىسىنىڭ 2019 جىلعى 30 قاڭتارداعى قازاقستان رەسپۋبليكاسى ۇكىمەتىنىڭ كەڭەيتىلگەن وتىرىسىندا بەرگەن تاپسىرماسىن ورىنداۋ شەڭبەرىندە مينيسترلىك وڭىرلەرمەن بىرلەسىپ امبۋلاتوريالىق-ەمحانالىق ۇيىمداردىڭ, جەدەل جاردەم ستانتسيالارىنىڭ, ستاتسيونارلاردىڭ شۇعىل قىزمەتتەرىنىڭ, سونداي-اق اۋىلدىق اۋرۋحانالىق ۇيىمداردىڭ ماتەريالدىق-تەحنيكالىق بازاسىن جاقسارتۋ بويىنشا جۇمىستار جۇرگىزىلىپ جاتقانىن حابارلادى.
«2021 جىلعا دەيىنگى الدىن الا قاجەتتىلىك 156,5 ملرد. تەڭگەنى قۇرادى, ونىڭ ىشىندە:
- سانيتاريالىق اۆتوكولىككە 24,5 ملرد. تەڭگە;
- جىلجىمالى مەديتسينالىق كەشەندەر 2,5 ملرد. تەڭگە;
- تەحنيكالىق جابدىقتاۋ 77,2 ملرد. تەڭگە;
- كۇردەلى جوندەۋ 52,3 ملرد. تەڭگە;
سونىمەن بىرگە, بيۋدجەتتە 121,4 ملرد.تەڭگە كوزدەلگەن.
وسىلايشا, قوسىمشا قاجەتتىلىك 35,1 ملرد.تەڭگەنى قۇرايدى, ونىڭ 27 ملرد. تەڭگەنى رەسپۋبليكالىق بيۋدجەتتە جانە 8,1 ملرد. تەڭگەنى جەرگىلىكتى بيۋدجەتتەردەن كوزدەۋ ۇسىنىلادى» دەدى ءوز بايانداماسىندا ا.تسوي.
