«باتىس» وڭىرلىك قولباسشىلىعىنىڭ وقۋ پوليگوندارىندا بەلسەندى جاۋىنگەرلىك دايارلىق ءۇردىسى جالعاسۋدا. وسى كۇندەرى وقۋ ورىندارى مەن ديرەكتريسسالاردا توپشالار مەن بولىمشەلەر ءىس جۇزىندە اتىس جاتتىعۋلارىن وتكىزدى.
جاۋىنگەرلىك ۇيلەسىمدىلىك شەڭبەرىندە بولىمشەلەر شولعىنداعى, تورۋىلداعى بولىمشە, شابۋىلداۋ كەزىندەگى توپ قۇرامىندا اتىسپەن قامتاماسىز ەتۋ كىشى توبى, ىزدەستىرۋ كەزىندەگى توپ قۇرامىنداعى كىشى توپ, سونداي-اق بولىمشەلەر مەن كىشى توپتاردىڭ پراكتيكالىق جاۋىنگەرلىك وق اتۋلارى سياقتى وقۋ سۇراقتارىن پىسىقتادى.
جاۋىنگەرلىك وق اتۋدى جۇرگىزۋ ءۇشىن بولىمشەنىڭ بارلىق قارۋ تۇرلەرىنەن اتىستىڭ جۇرگىزىلۋىن كوزدەيتىن جاعداي جاسالدى. بولىمشەلەردىڭ جاۋىنگەرلىك وق اتۋلارىن وتكىزۋ تاقىرىبى مەن ۋاقىتىن جاۋىنگەرلىك دايارلىق باعدارلاماسىن نەگىزگە الا وتىرىپ, روتا كومانديرلەرى ايقىندادى. وسى جولى وق اتۋلاردىڭ 30 %-ى تۇنگى ۋاقىتتا وتكىزىلدى.
جاۋىنگەرلىك وق اتۋلاردى وتكىزۋ كەزىندە نەگىزگى نازار بىرلەسكەن ءىس-قيمىلداردى جۇرگىزۋدەگى مامانداردىڭ شەبەرلىكتەرى مەن ماشىقتارىنا اۋدارىلدى. بولىمشەلەردىڭ جاۋىنگەرلىك وق اتۋى – بۇل بولىمشەلەردىڭ جاۋىنگەرلىك ۇيلەسىمدىلىگى مەن اتىس داعدىسىنىڭ شەشۋشى كەزەڭى بولىپ تابىلاتىن تاكتيكالىق دايىندىققا وقىتۋدىڭ جوعارى ۇلگىسى.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى
