قوستاناي قالاسى وبلىس ورتالىعى عانا ەمەس, ءوڭىر ەكونوميكاسىن العا سۇيرەيتىن وندىرىستەردىڭ دە شوعىرلانعان ورنى. ەسەپتى جىلى قالا كاسىپورىندارى 298 ملرد تەڭگەنىڭ ءونىمىن شىعارعان. بۇل 2017 جىلعا قاراعاندا ارتىق. 12 مىڭ ماشينا, 240 استىق جينايتىن كومباين ساپقا قويىلدى, 895 مىڭ توننا ۇن, 72 مىڭ توننا ءسۇت, 52 مىڭ توننا كونديتەر بۇيىمدارى ءوندىرىلدى. يندۋستريالىق ايماقتا ينۆەستورلار ءۇشىن بارلىق جاعداي جاسالعان, ينۆەستيتسيالىق جوبالار جۇزەگە اسىپ جاتىر. مۇنداي ۇزدىك كورسەتكىشتەردى جالعاي بەرۋگە دە بولادى. ءوڭىر ەكونوميكاسىنىڭ دامۋىنا قوستاناي قالاسى وسىلاي ۇلەس قوسىپ وتىر. دەگەنمەن, جاڭا اكىمگە زالدان تۇسكەن سۇراقتىڭ بارلىعى دا الەۋمەتتىك ماسەلەەلردى قوزعادى. ەڭ الدىمەن قالانىڭ شەتىندە ورنالاسقان شاعىن تۇرعىن اۋداندارداعى جول, جىلۋ, جارىق ماسەلەلەرى الدىمەن ءسوز بولدى. قالاىشىلىك اۆتوبۋس قوزعالىسى تۋرالى سۇراقتار قايتالاندى.
سونىمەن قاتار, جاقىندا عانا مەزگىلسىز قايتىس بولعان بالالار دارىگەرى دميتري گەراسيموۆتىڭ اتىن ماڭگى ەستە قالدىرۋ ءۇشىن وبلىستىق بالالار اۋرۋحاناسىنا نەمەسە سول ماڭداعى ءبىر كوشەگە دارىگەردىڭ ەسىمىن بەرۋ كەرەكتىگى تۋرالى قالا تۇرعىنىنىڭ ۇسىنىسىن زال قول شاپالاقتاپ قولدادى. وعان قايرات احمەتوۆ وبلىستىق بالالار اۋرۋحاناسىندا دارىگەرگە ارناپ مۋزەي اشۋدى ۇسىندى. ال وبلىس اك ءىمى ارحيمەد مۇحامبەتوۆ بۇل ۇىسىنىس قولداۋعا تۇرارلىق, بىراق زاڭ بويىنشا مارقۇمنىڭ قايتاقانىنا بەس جىل وتكەن سوڭ بارىپ, ۇسىنىس جاساۋ كەرەك دەگەن ءۋاج ايتتى.
اكىم ەسەبىندە سونداي-اق, جاستار جىلىنا بايلانىستى جاتاقحانا ماسەلەسى, كوشەدەگى قارا اعاشتاردىڭ ورىنسىز قىرقىلۋى سەكىلدى كوپتەگەن سۇراقتار قويىلدى. تۇرعىندار جينالىسىن وبلىس اكىمى ارحيمەد مۇحامبەتوۆ قورىتىندىلادى, كوپتەگەن تۇرعىندار سۇراقتارىنا ءوزى دە جاۋاپ بەردى.
«قالا اكىمىنە قوياتىن تۇرعىندار تالابى مەن نازى وتە كوپ. ونىڭ بارلىعىن جۇزەگە اسىرۋعا قارجى جانە ۋاقىت كەرەك ەكەنىن ايتقىم كەلەدى. قالا تۇرعىندارىنىڭ تالابى, جاقسى, يگى ىستەر تەك اكىممەن عانا ەمەس, تۇرعىنداردىڭ ءوزىنىڭ ىنتا-ىقىلاسىمەن, پاتريوتتىعىمەن دە مۇكىن بولادى. ارقايسىسىمىز «مەن قالاعا نە ىستەدىم, قانداي كومەك جاسادىم؟» دەگەن ويدى كوڭىلدەن شىعارماڭىزدار» دەدى ارحيمەد بەگەجان ۇلى.
ول قالانىڭ جاڭا اكىمى قايرات احمەتوۆكە قىزمەتتە تابىس تىلەدى.
ءنازيرا جارىمبەت,
«Egemen Qazaqstan»
قوستاناي
