«قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى كەدەندىك ستاتيستيكانىڭ الشاقتىعىن تومەندەتۋ ماقساتىندا قارجى مينيسترلىگى مەن قحر باس كەدەن باسقارماسى اراسىنداعى حاتتاماعا اقپارات الماسۋ تۋرالى بولىمىنە وزگەرىستەر ەنگىزىلەدى. بۇل تۋرالى ءتيىستى ۋاعدالاستىققا قول جەتكىزىلدى. قىتاي تاراپىمەن «اقىلدى قورعان» پيلوتتىق جوباسىن ىسكە اسىرۋ تۋرالى كەلىسىمگە كەلدىك. وسى ماقساتتا باس كەدەن باسقارماسىنىڭ اقپاراتتىق جۇيەسىمەن «استانا-1» اج ىقپالداستىرۋ جوسپارلانۋدا. بۇل يمپورتتاۋشىلاردىڭ تاۋارلاردى دەكلاراتسيالاۋىنىڭ دۇرىستىعىن قامتاماسىز ەتەدى. ەڭ باستىسى, بۇل جوبا كەدەندىك شەكاراداعى سىبايلاس جەمقورلىق كورىنىستەرىن ايتارلىقتاي ازايتادى» دەدى قارجى ءمينيسترى.
سونداي-اق ول كەدەندىك باقىلاۋ شەڭبەرىندە تەكسەرۋ ءىس-شارالارىنىڭ كۇشەيتىلگەنىن ءسوز ەتتى.
«2018 جىلدىڭ سوڭىندا ۇكىمەت كولەڭكەلى ەكونوميكاعا قارسى ءىس - قيمىل جونىندەگى 2019-2021 جىلدارعا ارنالعان جاڭا ءىس-شارالار جوسپارىن قابىلداعان بولاتىن. جوسپار بويىنشا كەدەندىك اكىمشىلەندىرۋدى جاقسارتۋعا, كولەڭكەلى ەكونوميكانى ازايتۋعا, سونداي-اق بيزنەستى ىنتالاندىرۋعا جانە شاعىن جانە ورتا بيزنەس سۋبەكتىلەرىن «كولەڭكەدەن» شىعارۋ جانە قولما-قول اقشاسىز اينالىم ۇلەسىن ۇلعايتۋ جونىندەگى جۇمىستى كۇشەيتۋگە باعىتتالعان ءىس-شارالار ىسكە اسىرىلادى. جالپى العاندا, قارجى مينيسترلىگىنىڭ جۇمىسى «سالىقتاردىڭ جينالۋىن ارتتىرۋ» جوباسى بويىنشا باستامالاردى قوسا العاندا, سالىقتىق جانە كەدەندىك اكىمشىلەندىرۋدى تسيفرلاندىرۋعا جانە ولاردى ىقپالداستىرۋعا نەگىزدەلەدى» دەدى ءاليحان سمايىلوۆ.
