مەملەكەت باسشىسى 2018 جىلعى 30 قاڭتاردا قازاقستان رەسپۋبليكاسى ۇكىمەتىنىڭ كەڭەيتىلگەن كەڭەسىندە مەديتسينالىق كومەكتىڭ ساپاسى مەن قولجەتىمدىلىگىن جاقسارتۋ جونىندەگى جۇمىستى جالعاستىرۋدى تاپسىردى.
وسىعان وراي, 3 جىلدىق كەزەڭگە (2019-2021 جىلدار) شىعىنداردىڭ قاجەتتى كولەمى 158,8 ملرد. تەڭگەنى قۇراعان. ونىڭ ىشىندە 156,5 ملرد تەڭگە ماتەريالدىق تەحنيكالىق جاراقتاندىرۋعا جانە كۇردەلى جوندەۋگە جۇمسالماق.
ال 2,3 ملرد تەڭگە جىلجىمالى مەديتسينالىق كەشەنگە جانە دەنساۋلىق پوەزدارىنىڭ قىزمەت كورسەتۋىنە جۇمسالادى ەكەن.
«800 بىرلىك جەدەل جاردەم اۆتوموبيلدەرىن جانە رەانيموبيلدەردى ساتىپ الۋعا سوماسى 24,5 ملرد تەڭگەنى قۇرادى, ونىڭ ىشىندە 293 بىرلىك رەانيموبيل جانە 507 اۆتوكولىك جەلىلىك بريگادالارعا جۇمسالادى» دەيدى دەنساۋلىق ساقتاۋ ۆيتسە-ءمينيسترى ا.تسوي.
سونىمەن قاتار, قازىرگى ۋاقىتتا قالا جانە اۋدان ورتالىقتارى ءۇشىن وتىمدىلىگى جوعارى جەدەل جاردەم ماشينالارىنىڭ تەحنيكالىق سيپاتتامالارى ازىرلەنىپ جاتىر.
سونداي-اق, وڭىرلەردى جىلجىمالى مەديتسينالىق كەشەندەرمەن جابدىقتاۋ ءۇشىن اۋىلداردا مەديتسينالىق تەكسەرۋ جۇرگىزۋ ءۇشىن رەسپۋبليكانىڭ 4 ءوڭىرى (اتىراۋ, قوستاناي, قىزىلوردا جانە تۇركىستان وبلىستارى) ءۇشىن جالپى سوماسى 2,5 ملرد تەڭگەگە 18 جىلجىمالى مەديتسينالىق كەشەن ساتىپ الۋ جوسپارلانعان.
«ودان بولەك وبلىستاردىڭ جانە رەسپۋبليكالىق ماڭىزى بار قالالاردىڭ اكىمدەرى اۋداندىق اۋرۋحانالار مەن مساك وبەكتىلەرىن 3 جىل ىشىندە ەڭ تومەنگى ستاندارتتارعا سايكەس مەديتسينالىق تەحنيكامەن تولىق جاراقتاندىرۋدى قامتاماسىز ەتۋى قاجەت. وسى ماقساتتارعا قاجەتتىلىك بارلىعى 129,5 ملرد تەڭگەنى قۇراماق. ونىڭ ىشىندە تەحنيكالىق جاراقتاندىرۋعا - 77,2 ملرد تەڭگە, ال كۇردەلى جوندەۋگە – 52,3 ملرد تەڭگە.
وڭىرلەر بولىنىسىندەگى تۇپكىلىكتى قاجەتتىلىك تۇگەندەۋ قورىتىندىلارى بويىنشا ايقىندالاتىن بولادى» دەدى دەنساۋلىق ساقتاۋ ۆيتسە-ءمينيسترى ا.تسوي.
