«قارقىندى باق شارۋاشىلىعىن دامىتۋدىڭ سالالىق باعدارلاماسى اياسىندا ءبىز 10 جىلدا 47 مىڭ گەكتار الاڭدا قارقىندى باق ءوسىرۋ مىندەتىن قويىپ وتىرمىز, وسىلايشا يمپورتتى الماستىرامىز», دەيدى ءو. شوكەەۆ.
سونداي اق ءسۇت باعدارلاماسى بويىنشا ءسۇت ءوندىرۋدى 10 جىلدا 1 ملن. تونناعا جەتكىزۋ كوزدەلىپ وتىر. ونىڭ ينديكاتيۆتىك كورسەتكىشتەرى انىقتالعان. 2027 جىلعا دەيىن قۋاتى 400 باس سيىردان باستالاتىن 139 ونەركاسىپتىك ءسۇت فەرماسىن, 400 باسقا دەيىن سيىر ۇستايتىن 527 وتباسىلىق ءسۇت فەرماسىن اشۋ جوسپارلانۋدا.
اۋىل شارۋاشىلىعى ءمينيسترىنىڭ ايتۋىنشا, قۇس شارۋاشىلىعىن دامىتۋ باعدارلاماسى شەڭبەرىندە الداعى 10 جىلدا قۇس ەتىن ءوندىرۋدى 3 ەسەگە (200 مىڭ توننادان 700 مىڭ تونناعا دەيىن) ارتتىرۋ جوسپارلانعان. بۇل سىرتتان كەلەتىن قۇس ەتىن توقتاتىپ, ءوز-ءوزىمىزدى تولىقتاي قامتاماسىز ەتۋگە مۇمكىندىك بەرەدى.
سالالىق باعدارلامالارعا قاتىسۋشىلار ءۇشىن جەر ۋچاسكەلەرى باسىمدىقپەن بەرىلەدى, فەرمەرلىك شارۋاشىلىقتارعا مال, تەحنيكا مەن جابدىق ساتىپ الۋعا, جايىلىم ينفراقۇرىلىمىن سالۋعا جەڭىلدەتىلگەن كرەديت بەرىلەدى.
