جيىندا وتكەن جىلى اتقارىلعان جۇمىستار تۋرالى ەسەپ بەرگەن اتالمىش كورپوراتسيا باسشىسى نۇركەن شاربيەۆ بيزنەس قۇرىلىمدارى ارقىلى سالىنعان يۆەستيتسيا كورسەتكىشى 146 ميلليون تەڭگەگە جۋىقتاعانىن جەتكىزدى. ول 59 ينۆەستيتسيالىق جوباعا تالداۋ جاساپ, ول جوبالاردىڭ 6-اۋى كەن وڭدەۋ, 3-ەۋى مالشارۋاشىلىعى, 12-ءسى ءوندىرىس, 11-ءى قىزمەت كورسەتۋ, 5-ەۋى قۇرىلىس سالاسى, 22-ءسى وسىمدىك شارۋاشىلىعى سالاسىنا ءتيىستى ەكەنىن ايتىپ ءوتتى.
كورپوراتسيا بىرقاتار كورسەتكىشتەردە ويداعىداي ناتيجەگە قول جەتكىزگەنىمەن, شەشىمىن كۇتكەن ءتۇيىندى ماسەلەلەر دە از ەمەس بولىپ شىقتى. ايتالىق, وبلىس ورتالىعىنداعى جابايى ساۋدا ورىندارىن جويىپ, ءبىرتيپتى دۇڭگىرشەكتەر سالۋ جۇمىستارى قولعا الىنعانىمەن, بۇگىندە ونىڭ نەبارى 12-ءسى عانا بوي كوتەرگەن ەكەن. يندۋستريالدى ايماق قۇرۋعا قاتىستى ماسەلەلەر دە ناقتى شەشىلمەگەن. كاسىپكەرلەردى قولداۋ شارالارىنا بولىنگەن قارجىنى باقىلاۋ جۇمىستارى دا ويداعىداي ەمەس. اكىم بۇل ورايدا قۇزىرلى مەكەمەلەرگە تۇراقتاندىرۋ قورىنا بولىنەتىن قاراجاتقا باقىلاۋ مەن ەسەپ-قيساپتى ءار جىل سايىن تۇراقتى تۇردە جۇرگىزىپ وتىرۋدى تاپسىردى. سونداي-اق, وبلىس اكىمى كورپوراتسيانىڭ قاتىسۋىمەن وڭىردە جۇزەگە اسىرىلاتىن جوبالار سانىن ارتتىرۋعا نازار اۋدارۋ كەرەكتىگىن ەسكەرتتى.
جيىندا تۇرعىنداردىڭ تۇرمىستىق جاعدايىنا قاتىستى ماسەلەلەر دە ءسوز بولىپ, اتالمىش ۇيىمنىڭ بۇل ورايدا اتقاراتىن مىندەتتەمەلەرى جان-جاقتى سارالاندى. سونىمەن قاتار, مەملەكەتتىك باعدارلامالار اياسىندا اگروقۇرىلىمدار قۇرۋ, جەكە كاسىپكەرلەرگە جان-جاقتى قولداۋ كورسەتۋ, الەۋمەتتىك ماڭىزى بار ازىق-ت ۇلىك باعاسىن بىرقالىپتى ۇستاپ تۇرۋ سەكىلدى باعىتتاردا اتقارىلۋى ءتيىس ءىس-شارالار تالقىلاندى.
اسقار مىرزاحمەتوۆ جۋىردا عانا وتكەن قر ۇكىمەتىنىڭ كەڭەيتىلگەن وتىرىسىندا ايتىلعانداي ەلباسى تاپسىرماسىنا وراي, ءوڭىردىڭ دامۋ كارتاسى قايتا قارالاتىنىن جەتكىزدى. سونىمەن قاتار, مەملەكەت پەن جەكە مەنشىك بيزنەستىڭ مۇمكىندىكتەرىن بىرىكتىرە وتىرىپ, جەكە مەنشىك سەكتوردى قولداۋ ارقىلى ءوڭىر ەكونوميكاسىن دامىتۋعا كۇش سالۋ قاجەتتىگىن باسا ايتىپ, ۇيىم باسشىلىعىنا ناقتى تاپسىرمالار جۇكتەدى.
حاميت ەسامان,
«Egemen Qazagstan»
جامبىل وبلىسى
