«دامۋ» كاسىپكەرلەردى قولداۋ» قورى ارقىلى جەڭىلدىكتى نەسيەگە تۇرعىزىلعان «Help clinic» مەديتسينالىق ورتالىعىنا كەلۋشىلەر كوپ. بۇعان دەيىن ناۋقاستار جالعا الىنعان ەسكى عيماراتتا ەم-دوم الىپ كەلسە, ەندى كاسىبي ماماندار ك ۇلىمسىرەي قارسى الادى.
جانۇزاق بازاربەكوۆ دەنساۋلىق سالاسىندا شيرەك عاسىرعا جۋىق ەڭبەك ەتەدى. جوعارى ساناتتاعى نەۆروپاتولوگ وسىدان ەكى جىل بۇرىن ءوزى سياقتى بىلىكتى دارىگەرلەردىڭ باسىن قوسىپ, قالادا العاشقى ەمدەۋ كابينەتىن اشقان. ول ءۇشىن بولمەلەردى جالداپ كەلگەن. ەندى ۇكىمەتتىڭ قولداۋى ارقاسىندا كەڭ دە جارىق نىساندى سالۋ مۇمكىندىگىنە يە بولدى.
«ەمدەلۋشىلەرگە بارلىق جاعداي جاسالعان. كۇندىزگى ستاتسيونار جۇمىس ىستەيدى. ەم قابىلداۋ كابينەتتەرىنە زاماناۋي جابدىقتار قويىلعان. الداعى ۋاقىتتا قىزمەت تۇرلەرىن كوبەيتەمىز», دەيدى باس دارىگەر ج. بازاربەكوۆ.
ەمدەۋ ورتالىعى وستەحوندروز, ومىرتقانىڭ جارىعى, نەۆرولوگيالىق اۋرۋلاردى دا ەمدەيدى. ينسۋلتتان كەيىن ەم الۋلارىنا بولادى. اقىلى ماسساج بەن مانۋالدى تەراپيامەن قاتار مۇندا تەگىن مەديتسينالىق كومەكتىڭ كەپىلدەندىرىلگەن كولەمى اياسىندا ەمحانالاردا ەسەپتە تۇرعان ازاماتتارعا تەگىن قىزمەت كورسەتىلەدى.
بۇگىندە مەديتسينالىق ورتالىقتا مىڭعا جۋىق ناۋقاس ەسەپتە تۇر.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
