باتىربەك ەسداۋلەتوۆ جەتەكشىلىك ەتەتىن قازاقستاننىڭ تاەكۆوندوشىلارىن ۇستىمىزدەگى جىلى بىرقاتار ماڭىزدى جارىستار كۇتىپ تۇر. ولاردىڭ ءبىرازى وليمپيا ويىندارىنا قاتىسۋعا مۇمكىندىك بەرەتىن رەيتينگتىك تۋرنيرلەر. ۇلتتىق قۇرامانىڭ باس باپكەردىڭ ايتۋىنشا, قازىرگى كەزدە 26 سپورتشىمىز ايتۋلى دودالارعا قىزۋ دايارلانۋدا.
بيىلعى جىلعى العاشقى رەيتينگتىك تۋرنير 1-3 اقپان ارالىعىندا بىرىككەن اراب امىرلىگىنىندە ء(باا) وتەدى. Fujairah Open دوداسىندا رۋسلان جاپاروۆ, قايرات سارىمساقوۆ, اينۇر ەسبەرگەنوۆا, فاريزا الدوڭعاروۆا, جانسەل دەنيز, ەلدوس ىسكاق, ەلدار ءبىرىمباي, نۇرلان مىرزاباەۆ, راقىم ءادىلحانوۆ, ازامات تەڭىزباەۆ, مەرەكە ءجۇنىسوۆا, سمايىل دۇيسەباي جانە ايتۋار شايكەنوۆ سىندى شەبەرلەر قازاق ەلى نامىسىن قورعايدى.
سودان كەيىن جەرلەستەرىمىز مىسىر ەلىندە وتەتىن حالىقارالىق تۋرنيردە كۇش سىناسۋدى جوسپارلاپ وتىر.
عالىم سۇلەيمەن,
«Egemen Qazaqstan»
