وپەراتسيانىڭ باسىم بولىگى جۇرەك تالماسىنا ۇشىراعان ناۋقاستارعا جاسالىپ, حيرۋرگيالىق ەمنىڭ بارلىعى جوعارى تەحنولوگيالاردىڭ كومەگىمەن ىستەلگەن.
«شىمكەنتتىڭ كارديولوگتارى ءبىر جىلدىڭ ىشىندە 500 ناۋقاستىڭ جۇرەگىنە كۇردەلى وپەراتسيا جاساپ شىقتى. دارىگەرلەر جۇرەككە اشىق جاسالاتىن وتا كەزىندە پاتسيەنتتىڭ جۇرەگىن ۋاقىتشا توقتاتىپ قويدى. قۋانتارلىعى, مۇنداي قاتەرلى وپەراتسيالاردىڭ بارلىعى ءساتتى شىعۋدا. ەڭ باستىسى بۇل سوڭعى ون جىلدا بولماعان زور كورسەتكىش», دەيدى قالالىق كارديولوگيالىق ورتالىقتىڭ باس دارىگەرى سپانديار بەكجىگىتوۆ.
ورتالىقتا جۇرەككە ستەند قويۋ, جۇرەكتىڭ قاقپاقشاسىن اۋىستىرۋ, اورتاكورونارلى شۋنتتاۋ وتاسى, تۋا بىتكەن احاۋلارىن بەكىتۋ, جۇرە كەلە پايدا بولعان احاۋدى پروتەزدەۋ, جۇرەككە اشىق وپەراتسيا جاساۋ سىندى 30-عا جۋىق وپەراتسيا ءتۇرى جاسالادى.
سونداي-اق كارديولوگيالىق ورتالىقتاعى دارىگەرلەر سوڭعى ءبىر جىلدىڭ ىشىندە ينفاركت العان 2000-نان اسا ناۋقاستىڭ ءومىرىن امان الىپ قالدى.
نۇرشات توكەن,
«Egemen Qazaqstan»
شىمكەنت
