ء«بىرىنشى باعىت – بانك سەكتورىن ساۋىقتىرۋ. بىلتىر «حالىق بانك» پەن «كازكومنىڭ» بىرىگۋى بانك سەكتورىنداعى باستى وقيعا بولدى. «حالىق بانك» قازىر ەلدەگى بانك سەكتورىنىڭ 34% قۇرايدى. بۇل - جاقسى قۇبىلىس, سەبەبى ۇلىبريتانيا, يتاليا, شۆەيتساريا, فرانتسيا, رەسەي سىندى الەمنىڭ كوپتەگەن ەلىندە نارىقتىڭ 30% -ىن الاتىن بانكتەر بار. شەتەلدىكتەرمەن ىشكى نارىقتا دا, سىرتقى نارىقتا دا باسەكەگە قابىلەتتى بولا الاتىن قازاقستانعا ءىرى قارجى ينستيتۋت قاجەت», - دەدى دانيار اقىشەۆ.
سونداي-اق ۇلتتىق بانك توراعاسى نارىقتان ءالسىز بانكتەردى شىعارۋ جۇمىستارى جالعاساتىنىن ايتتى.
«بىلتىر ءۇش بانكتىڭ ليتسەنزياسى الىندى. ول بانكتەردى جابۋدىڭ پروتسەستەرى اياقتالىپ قالدى, ازاماتتارعا دەپوزيتتەگى قارجىلارىن تولەۋ باستالدى. اكتيۆتەر جۇمىسى تۇراقتى كومپانيالارعا بەرىلۋى ءتيىس», - دەدى ول.
مارجان تىلەۋبەك,
«ەگەمەن قازاقستان»
