«وتكەن جىلى «7-20-25» باعدارلاماسىن ىسكە قوسقان ەدىك. ەندىگى كەزەكتە نەسيە بەرۋ اۋقىمىن كەڭەيتۋدى جوسپارلاپ وتىرمىز. 2019 جىلى ۇلتتىق بانك قازاقستان ازاماتتارى وتاندىق كولىكتى ساتىپ الا الاتىنداي جەدەل تۇردە باعدارلاما ازىرلەپ, نەسيە بەرۋگە دايىن وتىر. باعدارلاما نارىقتىڭ قاعيداتتارىنا ساي تۇزىلەدى. بانكتەر ارقىلى «7-20-25» باعدارلاماسىنىڭ ۇلگىسىنە سۇيەنە وتىرىپ جۇمىس جۇرگىزۋ جوسپارلانۋدا», - دەدى دانيار اقىشەۆ.
ونىڭ ايتۋىنشا, كولىك قۇراستىرۋ سالاسى قۇرىلىس سالاسى سەكىلدى جوعارى تەحنولوگيالىق, ەكونوميكاعا مۋلتيپليكاتيۆتىك قايتارىمى بار, كاپيتالى اۋقىمدى سالا.
ايتا كەتۋ كەرەك, بۇگىن ەلباسىنىڭ قاتىسۋىمەن ۇكىمەتتىڭ كەڭەيتىلگەن وتىرىسى ءوتىپ جاتىر.
