ورال قالاسىندا «102» نومىرىنە قوڭىراۋ شالىپ, اباي پوليتسيا بولىمىندە بومبا جارىلعالى جاتىر دەپ حابارلاعان ايەل تۇتقىندالدى.
ارينە, سۋىت حابار الىسىمەن وقيعا ورنىنا ارنايى قىزمەت ماماندارى جەدەل جەتىپ, ساقتىق شارالارىن جاسادى. ساپەرلار اتالعان عيماراتتى تۇگەل قاراپ, ەشتەڭە تاپپادى.
وبلىستىق پوليتسيا دەپارتامەنتىنىڭ ەكسترەميزممەن كۇرەس باسقارماسى قىزمەتكەرلەرى جەدەل-ىزدەستىرۋ شارالارىن جۇرگىزىپ, جالعان حابار تاراتقان ورال قالاسىنىڭ تۇرعىنىن انىقتادى. ول 1985 جىلى تۋعان ايەل ادام بولىپ شىقتى. ول ۋاقىتشا قاماۋ ورنىنا جابىلدى.
– بۇل وقيعا بويىنشا قازاقستان رەسپۋبليكاسى قىلمىستىق كودەكسىنىڭ 273 بابى بويىنشا سوت الدى تەرگەۋ جۇمىستارى باستالدى, – دەپ حابارلايدى پوليتسيانىڭ ءباسپاسوز قىزمەتى.
ءبىر قىزىعى, بۇل ايەل ءدال وسىنداي قىلمىسى ءۇشىن بۇرىن دا جاۋاپكەرشىلىككە تارتىلعان ەكەن. زاڭ بويىنشا وعان 5 مىڭ ايلىق ەسەپتىك كورسەتكىشكە دەيىن ايىپپۇل سالىنۋى, ەڭبەكپەن تۇزەۋ جۇمىستارىنا تارتىلۋى نەمەسە 5 جىلعا دەيىن باس بوستاندىعىنان ايرىلۋى مۇمكىن.
قازبەك قۇتتىمۇرات ۇلى,
«Egemen Qazaqstan»
باتىس قازاقستان وبلىسى
