الداعى ۋاقىتتا اتاۋى جاسىل ەكونوميكا باسقارماسى بولىپ وزگەرەتىن تابيعي رەسۋرستار جانە تابيعاتتى پايدالانۋ باسقارماسىنىڭ اۋداندىق اكىمدىكتەرمەن بىرلەسكەن تەكسەرۋلەرى ناتيجەسىندە 2021 جىلعا دەيىن ۇزىندىعى 400 شاقىرىمنان اساتىن ارىق جەلىلەرىن سالۋ مەن قايتا جاراقتاۋعا بايلانىستى كوشەلەردىڭ ءتىزىمى جاساقتالعان.
قازىردىڭ وزىندە مەگاپوليستىڭ 57 كوشەسىندە ارىق جەلىلەرىن سالۋ مەن رەكونسترۋكتسيالاۋ جۇمىستارى باستالدى. اتالعان شارا قالانىڭ ءتۇرلى بولىگىندە جاۋىن سۋلارىنىڭ تارالۋىن جاقسارتۋعا باعىتتالعان.
جالپى سوڭعى ءۇش جىل ىشىندە الماتىدا 300 شاقىرىمنان استام ارىق جەلىلەرى سالىنىپ, قايتا جوندەۋدەن وتكەن, 9 وزەننىڭ ارناسى قالپىنا كەلتىرىلىپ, سۋ تاسقىنى قاۋپى بار ۋچاسكەلەر 67-دەن 12-گە ازايتىلعان. قارعالى وزەنىنىڭ ۇزىندىعى 7,7 شاقىرىم بولاتىن ارناسى بەكىتىلدى جانە اباتتاندىرىلدى. گەس1-باو مەن مەدەۋ-شىمبۇلاق شاتقالدارىنا مىقتى بەكىنىستەر ورناتىلدى.
الماتىدا جاڭادان ەكى «اقساي» جانە «ايۋساي» سۋ بوگەتتەرىن سالۋ جوسپارلانعان, «مىڭجىلقى» سۋ بوگەتىن رەكونسترۋكتسيالاۋ اياقتالىپ قالدى. ەرمەنساي, كەرەڭقۇلاق, ۇلكەن جانە كىشى قاراسۋ وزەندەرى, جالپى ۇزىندىعى 1,8 شاقىرىم بولاتىن ەسەنتاي وزەنىنىڭ ارنالارى بەكىتىلىپ, اباتتاندىرىلدى.
ەلۆيرا سەرىكقىزى,
«ەqemen Qazaqstan»
الماتى
