بۇل جەردە مەدياتورلاردىڭ, ادۆوكاتتاردىڭ, پروكۋرورلاردىڭ كابينەتتەرىمەن قاتار بارلىق قاجەتتى مالىمەتتەردى ۇسىناتىن اقپاراتتىق ورتالىق, قۇجاتتاردى تاپسىرۋ جانە قابىلداۋعا ارنالعان كەڭسە, وزىنە-ءوزى قىزمەت كورسەتۋ ايماعى مەن كۇتۋ زالى ورنالاسقان.
وبلىستىق سوتتىڭ توراعاسى نۇرلان قايىربەكوۆتىڭ ايتۋىنشا, بۇل – ءوڭىر سوتتارىندا اشىلىپ وتىرعان 4 كەڭسە. «مۇندا ء«بىر تەرەزە» قاعيداتى بويىنشا ازاماتتارعا ساپالى قىزمەت كورسەتىلىپ قانا قويماي, تۇرعىنداردىڭ سوتقا قولجەتىمدىلىگىن بارىنشا جەڭىلدەتەدى. فرونت-كەڭسەنىڭ جۇمىسى – سوت تورەلىگىنە قولجەتىمدىلىك پەن اشىقتىقتى قامتاماسىز ەتۋگە باعىتتالعان ناقتى قادام», – دەيدى ول.
ازامات قاسىم,
«Egemen Qazaqstan»
وسكەمەن
