«قازىرگى ۋاقىتتا ەلىمىزدە قىزىلشاعا شىلدىعۋدىڭ 900 جاعدايى تىركەلگەن. ولاردىڭ نەگىزگى بولىگى - ەكپە الماعاندار. ونىڭ ىشىندە 56% ەكپە ەگۋ جاسىنا جەتپەگەن بالالار. ودان ءارى 30% قارسىلىق بىلدىرگەندەر جانە 11% باس تارتقاندار. وتكەن جىلى ۆاكتسيناتسيادان 5 725 ادام باس تارتقان, دەگەنمەن مەديتسينا قىزمەتكەرلەرى ازاماتتارمەن جەكە جۇمىس جاساپ, 3106 ادام ءوز پىكىرلەرىن وزگەرتىپ, ۆاكتسيناتسيا جاساتتى», - دەدى ول وكق-دە وتكەن ءباسپاسوز ءماسليحاتىندا.
سونداي-اق, باس سانيتار مىندەتتى تۇردە ۆاكتسيناتسيا جاساتۋ كەرەكتىگىن العا تارتتى.
ونىڭ ايتۋىنشا, اتالعان اۋرۋ ءتۇرى بۇگىندە ەۋروپادا ءورشىپ تۇر.
ء«بىرىنشى سەبەپ, ءبىز جابىق كەڭىستىكتە ءومىر سۇرمەيمىز. 2017-2018 جىلدارى ەۋروپا اۋماعىندا 70 مىڭنان اسا قىزىلشامەن اۋىرۋ جاعدايى تىركەلدى. بۇل تەك رەسمي دەرەك بويىنشا. اتاپ ايتقاندا, سەربيادا 5 مىڭ, ۋكراينادا 40 مىڭ, گەرمانيا, يتاليادا 3 مىڭنان اسا جانە انگليا مەن فرانتسيادا 1 مىڭنان اسا ادم قىزىلشا دەرتىنە شالدىققان», - دەدى ج.بەكشين.
