انا مەن بالانى ايالاۋ ورتالىعىندا 16 جىل ىشىندە 50 مىڭعا جۋىق انا مەن بالا ەمدەلىپ, ساۋىقتىرىلدى
جۇما, 28 جەلتوقسان 2012 7:29
مۇندا نەگىزىنەن شالعاي ەلدى مەكەندەردە تۇراتىن تۇرمىسى تومەن, كوپ بالالى وتباسىلار ءۇشىن ارنايى مامانداندىرىلعان مەديتسينالىق كومەك كورسەتىلىپ ءجۇر. ورتالىق «دومالاق انا» ەسىمىمەن اتالادى, ءارى كيەلى, اۋليەلى ورىن – تەكتۇرماستىڭ تاپ ىرگەسىندە. سودان دا مۇندا ەمدەلۋشىلەر ارۋاقتى بابانىڭ شاپاعاتى تيەدى دەگەن سەنىممەن كەلەدى.
جۇما, 28 جەلتوقسان 2012 7:29
مۇندا نەگىزىنەن شالعاي ەلدى مەكەندەردە تۇراتىن تۇرمىسى تومەن, كوپ بالالى وتباسىلار ءۇشىن ارنايى مامانداندىرىلعان مەديتسينالىق كومەك كورسەتىلىپ ءجۇر. ورتالىق «دومالاق انا» ەسىمىمەن اتالادى, ءارى كيەلى, اۋليەلى ورىن – تەكتۇرماستىڭ تاپ ىرگەسىندە. سودان دا مۇندا ەمدەلۋشىلەر ارۋاقتى بابانىڭ شاپاعاتى تيەدى دەگەن سەنىممەن كەلەدى.
ورتالىق 150 ورىنعا لايىقتالعان. ال, سۇرانىس قاي كەزدە دە ودان الدەقايدا كوپ. جيىرما كۇندىك جولداما اياعى اۋىر ايەلدەر ءۇشىن اۋداندىق, قالالىق دەنساۋلىق ساقتاۋ ءبولىمدەرى ارقىلى جىل باسىندا-اق ءبولىنىپ, ولار مۇندا جىل بويى كەزەڭ-كەزەڭىمەن كەلىپ ەمدەلىپ قايتادى ەكەن. ورتالىق نەگىزىنەن مەملەكەتتىك تاپسىرىس بويىنشا جۇمىس ىستەيدى. بۇدان تىس اقىلى نەگىزدە دە كەلۋشىلەردى قابىلدايدى. ياعني, ءبىر جىلدا ورتاشا ەسەپپەن 2550-گە جۋىق انا مەن بالانىڭ جانىنا داۋا بولادى. ولاردىڭ ءبىر كۇندىك ەمدەلۋ-تىنىعۋ اقىسى ءۇشىن قازىنا قالتاسىنان 3869 تەڭگە جۇمسالادى. بۇل مۇقتاج جاندارعا ايرىقشا قامقورلىق ەمەي نە!؟ بيىلعى جىلعى ءساۋىر ايىنان باستاپ, ەمدەلۋشىلەردى قابىلداۋ جۇيەسى جوسپارلى تۇردە گوسپيتالداۋ بيۋروسىنىڭ پورتالى ارقىلى جۇرگىزىلە باستاپتى.
ورتالىقتا قازىرگى زامان تالاپتارىنا ساي كەلەتىن وزىق ۇلگىدەگى مەديتسينالىق قوندىرعىلار جەتكىلىكتى. فيزيو-ينتەرەفلەكستى, مانۋالدى ەمدەۋ بولىمدەرى, كلينيكالىق زەرتحانالار جۇمىس ىستەيدى. ارنايى قوندىرعى كومەگىمەن دە, وتتەگىلى كوكتەيل ىشكىزۋ ارقىلى دا اياعى اۋىر انالاردىڭ اعزاسى, قانىنىڭ قۇرامى وتتەگىمەن قوسىمشا بايىتىلىپ وتىرادى. بۇل قۇرساقتاعى نارەستەنىڭ قالىپتى جەتىلۋى ءۇشىن اسا ءتيىمدى. شەتەلدىك قوندىرعى كومەگىمەن, ساۋلەمەن نەمەسە سۋ استىندا ۋقالاپ ەمدەۋ, سونداي-اق, «شوڭ تۇزى», ءتۇرلى يود ەرىتىندىلەرى, باسقا دا شيپالى قوسپالارمەن بايىتىلعان ۆاننا قابىلداۋ دا جاقسى ناتيجە بەرىپ ءجۇر.
ەمدەلۋشىلەر وننان استام ەم تۇرىمەن قامتىلادى ەكەن. سالاماتتى ءومىر سالتىن قالىپتاستىرۋ ءىسى دە كەڭ كولەمدە ناسيحاتتالىنادى. مۇندا كەلۋشىلەر (ەرەسەكتەر دە, بالالار دا) دەنە جاتتىعۋلارىمەن شيپاجاي اۋلاسىنداعى ارنايى ورىنداردا, جۇگىرۋ جولدارىندا, وسىنداعى جاقسى جابدىقتالعان ەمدىك دەنە جاتتىعۋلارى كابينەتىندە دە (لفك) اينالىسا الادى. ءارى گۇلزار ماڭىنداعى اشىق ساحنادا, دەمالىس بولمەسىندە كونتسەرت تاماشالاپ, ءتۇرلى مادەني-كوپشىلىك ءىس-شارالارعا قاتىسۋىنا دا, بار كىتاپحانا قىزمەتىن پايدالانۋ ارقىلى دەنساۋلىققا پايدالى كەڭەستەرمەن وقىپ تانىسۋىنا دا مۇمكىندىكتەرى مول.
– بۇل – ەلىمىزدەگى بىردەن-ءبىر ەمدەۋ-ساۋىقتىرۋ ورنى. ەمدەۋ-ساۋىقتىرۋ مەكەمەسىنىڭ تۇساۋىن 1996 جىلى «بوبەك» قورىنىڭ پرەزيدەنتى سارا الپىسقىزىنىڭ ءوزى كەلىپ كەسكەن ەدى. سودان بەرى ورتالىقتا 50 مىڭعا جۋىق انا مەن بالا ەمدەلىپ, دەنساۋلىقتارىن ءتۇزەپتى. قازىر مۇندا نەگىزىنەن ءجۇيكەسى اۋىراتىن, مەشەل بالالار مەن قان ازدىعى جۇرەك, بۇيرەك, ءىش قۇرىلىسى جاعىنان سىرقاتتى انالار ەم قابىلداۋدا, دەيدى «دومالاق انا» اتىنداعى انا مەن بالانى ايالاۋ ورتالىعىنىڭ باس دارىگەرى گۇلنار ازىمقۇلوۆا.
گۇلنار مولداسانقىزى مۇنداعى ەمدىك شارالارىنىڭ ءتيىستى جۇرگىزىلۋىنە تىكەلەي ءوزى باس-كوز بولىپ وتىرادى. دارىگەرلەر ليۋدميلا ستاراكوجوۆا, گۇلنار جاسقايراتوۆا, ريتا قيىباەۆا, امىربەك كاۋمەنوۆ, تاعى باسقالارى ەمدەلۋشىلەرگە ەمىمەن دە, سوزىمەن دە شيپا دارىتىپ, ولاردىڭ ەرتەدەن قارا كەشكە دەيىن كوڭىل-كۇيلەرى كوتەرىڭكى بولۋىن باستى نازاردا ۇستاۋمەن كەلەدى. تاراز شاھارىنىڭ تابيعاتى ەڭ ءبىر كوركەم, اۋاسى دا تازا, ءماجنۇنتالدار كومكەرگەن مۇيىسىنە ورنالاسقان, ىرگەسىندە تولقىندى تالاس وزەنى ب ۇلىقسي اعىپ جاتقان وسىناۋ مەكەننىڭ شىن مانىندە دە ايماقتاعى كومەككە مۇقتاج انا مەن بالانىڭ دەنساۋلىعىن نىعايتۋ ىسىنە قوسىپ وتىرعان ۇلەسى قوماقتى-اق. قايتار كەزىمىزدە ورتالىقتىڭ كۇتىمىنە الىنعان كوڭىلى توق, ۋايىمى جوق بۇلدىرشىندەردىڭ الاڭدا اتكەنشەك تەۋىپ, دوپ ويناپ, اشىق ساحنادا ونەرلەرىن ورتاعا سالىپ مارە-سارە بولىپ جاتقانىنىڭ كۋاسى دە بولدىق. بالالار مۇندا ەمدەلىپ-تىنىعىپ قانا قويمايدى, بوس ۋاقىتتارىن دا كوڭىلدى وتكىزەدى. وبلىستا بالالار ءۇشىن بارلىق جاقسىلىق جاسالىپ وتىرعانىنىڭ ءوزى نەگە تۇرادى دەسەڭىزشى!
بايماحانبەت احمەت.
جامبىل وبلىسى.
