- كاراتە وليمپيادا باعدارلاماسىنا ەنگەلى بەرى, ءبىزدىڭ سپورتتاعى باسەكەلەستىك ودان سايىن ارتۋدا. بۇدان بۇرىن دا سپورتشىلار سانى از ەمەس ەدى. پاريجدەگى دوداعا ءوز سالماعىنداعى كىل مىقتىلار قاتىستى. ماعان ءوز كۇشىم مەن تاجىريبەمدى پايدالانىپ, ۇزدىك ۇشتىككە ەنۋ باقىتى بۇيىردى.
بۇل - مەنىڭ پرەمەر-ليگا دوداسىندا جەڭىپ العان ەكىنشى مەدالىم. جالپى, وليمپياداعا ۇپاي جيناۋ ءۇشىن جاساعان العاشقى قادامىم دەپ بىلەمىن.
جارتىلاي فينالعا دەيىن سۇرىنگەن جوقپىن. بىراق اككى سپورتشى, ەۋروپا چەمپيونى, يتاليالىق لۋكا مورەسكودان جەڭىلدىم.
ودان باسىم تۇسەتىن مۇمكىندىك بار ەدى. الايدا, تاكتيكالىق تۇرعىدان قاتەلىك كەتتى. دەگەنمەن, مۇنىڭ ءبارى مەن ءۇشىن ۇلكەن ساباق. الداعى جارىستاردى ۇپاي جيناۋدى ودان ءارى جالعاستىرامىن, - دەيدى ديدار.
ەسكە سالا كەتەيىك, ديدار ءامىرالى 2018 جىلعى ازيا ويىندارىنىڭ كۇمىس جۇلدەگەرى.
پاريجدەگى پرەمەر-ليگا تۋرنيرىنە قازاقستان سپورتشىلارى ءۇش قولا مەدالعا يە بولدى.
