اگەنتتىكتىڭ اۋماقتىق دەپارتامەنتى, ماڭعىستاۋ وبلىستىق قوعامدىق دەنساۋلىق ساقتاۋ دەپارتامەنتى جانە ۇلتتىق ساراپتاما ورتالىعىنىڭ وبلىستىق فيليالىنان قۇرالعان ءۇش كوماندا ءوز بەيىمدىلىكتەرى مەن ەرىك كۇشتەرىن كورسەتە ءبىلدى.
كوماندالار قۇرامىندا ونەر كورسەتكەن قر دەنساۋلىق ساقتاۋ مينيسترلىگىنىڭ ادەپ جونىندەگى ۋاكىلى فايزۋللا بيسميلدين جانە قوعامدىق دەنساۋلىق ساقتاۋ كوميتەتىنىڭ ادەپ جونىندەگى ۋاكىلى ايتماعانبەت جولشورينوۆ, ويىننىڭ وتە تارتىستى دا قىزىقتى وتكەندىگىن ايتتى.
كۇندەلىكتى سپورتتىق دايىندىعى بولماسا دا, كوماندالار نامىستى قولدان بەرمەۋگە تىرىستى. ال ويىنشىلاردى قولداۋعا كوبىنە ارىپتەستەرى جينالدى. جانكۇيەرلەردىڭ ۆولەيبولشىلارعا دەم بەرۋى, ويىننىڭ كوركىن قىزدىرا ءتۇستى.
- وسىنداي جولداستىق كەزدەسۋلەر تۇراقتى تۇردە وتكىزىلىپ تۇرادى. سونداعى ماقساتىمىز – سالاۋاتتى ءومىر سالتىن ناسيحاتتاپ قانا قويماي, مەملەكەتتىك قىزمەتتىڭ وڭ ءيميدجىن قالىپتاستىرۋ. ەڭ باستىسى – مەملەكەتتىك ورگاندار اراسىندا ءوزارا سىيلاستىق بولۋى قاجەت, سەبەبى بارلىعى دا ەلدىڭ دامۋى جولىندا ايانباي تەر توگۋدە جانە ولارعا بارىنشا جاعداي جاسالۋدا. قۋانتارلىعى مەملەكەتتىك قىزمەتشىلەر ۋاقىت تاۋىپ ءتۇرلى جارىستارعا بەلسەندى قاتىسۋدا, دەدى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ باسشىسى نۇرگۇل جاننازاروۆا.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى
