فوتو: 24.kz
قازاقستان تاراپى بۇۇ قاۋىپسىزدىك كەڭەسىنىڭ بىرقاتار سانكتسيالىق كوميتەتتەرىنە توراعالىق ەتتى. ەكى جىل ىشىندەگى ىنتىماقتاستىق جەمىستى ناتيجەلەرگە قول جەتكىزدى. حالىقارالىق ساراپشىلار مۇنداي سەرىكتەستىك تۋرالى جوعارى پىكىر بىلدىرۋدە. بۇۇ قاۋىپسىزدىك كەڭەسى كوميتەتتەرىنىڭ «يگيل», «ال-كايد» جانە «تاليبان» قوزعالىسىنا قارسى سانكتسيالار بويىنشا مونيتورينگ توبىنىڭ ۇيلەستىرۋشىسى ەدمۋند فيتتون-براۋن قازاقستاننىڭ تاياۋ شىعىس جانە اۋعان باعىتتارىنداعى ماڭىزدى ءرولىن اتاپ ءوتتى.
«بىزدە قازاقستانمەن جاقسى ارىپتەستىك ورنادى. ەڭ اۋەلى, ىنتىماقتاستىق كونترتەرروريزم جەلىسى بويىنشا ءجۇردى. ال ەكىنشىدەن, قارىم-قاتىناس اۋعانستانداعى جاعدايدى جاقسارتۋعا باعىتتالدى. قازاقستاننىڭ وسى سالالاردا ۇلكەن تاجىريبە جيناقتاعانىن اتاپ وتكىمىز كەلەدى. قازاقستان اۋعانستانداعى تۇراقتاندىرۋ ماسەلەسىندە ماڭىزدى ءرول اتقارادى. بۇۇ قاۋىپسىزدىك كەڭەسى حاتشىلىعىنىڭ قازاقستاندىق تاراپپەن ەكى جىل بىرىگە جۇمىس جاساۋى تابىستى بولدى دەگىم كەلەدى», - دەدى ەدمۋند فيتتون-براۋن.
