ساراپتاماعا سايكەس, بىلتىر پارتياعا وتىنىشپەن كەلۋشىلەردىڭ دەنىن الەۋمەتتىك جاعىنان از قامتىلعان ادامدار لەگى قۇراپ وتىر. نەگىزىنەن جۇمىسقا ورنالاستىرۋ, بالالاردى تەگىن ىستىق تاماقپەن قامتۋ, تۇرعىن ءۇي جايى, قىستىق وتىن ماسەلەسى سياقتى كۇنتارتىبىندەگى ماسەللەردى شەشۋگە پارتيا وكىلدەرى قولۇشىن بەرۋگە تىرىسقان.
مىسالعا, پارتيانىڭ وبلىستىق فيليالىنا قابىلداۋعا جازىلعان تالدىقورعان قالاسىنىڭ تۇرعىنى, جالعىزباستى انا ينديرا تۇرسىنبەكوۆا تۇرمىسىنىڭ تومەندىگىن, قاراۋىندا مۇمكىندىگى شەكتەۋلى بالاسى بار ەكەنىن ايتقان بولاتىن. جاس انانىڭ جاعدايىن تىڭداعان وبلىستىق فيليال توراعاسىنىڭ ءبىرىنشى ورىنباسارى, وبلىستىق ءماسليحات دەپۋتاتى عالياسقار سارىباەۆ مۇگەدەك بالاعا كومەك قولىن سوزىپ, ءبىلىم الاتىن مەكتەبىنىڭ باسشىلىعىنا حابارلاستى. ناتيجەسىندە بالانىڭ تەگىن تاماقتانۋ ماسەلەسى شەشىلدى. جالعىزىلىكتى اناعا تيەسىلى جاردەماقى الۋىنا وراي وبلىستىق فيليال باسشىسى قالالىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى گۇلجان وسپانوۆاعا حابارلاسىپ, ءمان-جايدى انىقتاپ, جاردەماقى الۋىنا دا جاردەمدەستى.
- الماتى وبلىستىق پارتيا فيليالىنىڭ قوعامدىق قابىلداۋ بولمەسىنە كەلىپ, ماسەلەمدى وڭ شەشتىم. پارتيالىقتار سوزبەن عانا ەمەس, ىسپەن دە ناقتىلىقتى دالەلدەۋدە. قۇدايعا شۇكىر, بالام مەكتەپتەن تاماقتانادى, پاتەرگە كەزەككە قۇجاتتارىمدى تاپسىرىپ, ءۇمىتىم ۇزىلۋگە شاق قالعاندا تاعدىر ورايىن وسىلاي ءوزى كەلتىردى, - دەيدى ينديرا.
قالماحانبەت مۇقامەتقالي,
«Egemen Qazaqstan»
الماتى وبلىسى
