ۇلەستىك قۇرىلىسقا قاتىسۋشىلاردىڭ ماسەلەلەرى بويىنشا قالا اكىمىنىڭ ءبىرىنشى ورىنباسارى سەرگەي حوروشۋن ايتىپ بەردى. «وتكەن اپتادا ءبىز «ازبۋكا جيليا» نىساندارىنا قاتىستى جاعداي بويىنشا تولىق مالىمەت بەرگەن بولاتىنبىز. الداعى ەكى اپتادا ءبىز «ايسانام دە ليۋكس» جانە «سادوۆىە كۆارتالى» تۇرعىن ءۇي كەشەندەرى بويىنشا ساراپتاما قورىتىندىسىن الامىز دەپ جوسپارلاپ وتىرمىز.
سونىمەن قاتار, وسى نىساندارعا قاتىستى قارجىلىق مودەلدى بەكىتۋ جانە كونكۋرستى جاريالاۋ ماتەريالدارى دايىندالۋدا. پروبلەمالى «كومسومولسكي» نىسانىنا قاتىستى ساراپتامانىڭ قورىتىندىسىن الۋ اقپان ايىنىڭ ورتاسىنا جوسپارلانعان. الداعى اپتادا «يسك اسي كوتلياروۆا س. ۆ» كومپانياسىنىڭ نىساندارىنا قاتىستى جۇمىستار جۇرگىزىلەتىن بولادى. باسقا نىساندار بويىنشا جۇمىستار جوسپارعا ساي جۇرگىزىلىپ جاتىر», – دەدى س. حوروشۋن. دەنساۋلىق ساقتاۋ سالاسىنداعى, سونداي-اق, ەلوردادا ۇيىمداستىرىلعان مۇز قالاشىقتارى مەن مۇز ايدىندارىنداعى قازىرگى جاعداي تۋرالى ەلوردا اكىمىنىڭ ورىنباسارى ەرمەك امانشاەۆ بايانداپ بەردى. «مەديتسينالىق ۇيىمدار بىرىڭعاي ديستريبيۋتورمەن 2019 جىلعا دارىلىك زاتتاردى جەتكىزۋگە وفەرتا شارتتار جاسادى, پرەپاراتتاردى جەتكىزۋ باستالىپ كەتتى. جىل باسىندا پاتسيەنتتەر دارىلىك زاتتارسىز قالماۋى ءۇشىن 2018 جىلدىڭ جەلتوقسانىندا بارلىق پاتسيەنتتەرگە 3 ايعا جەتەتىن پرەپاراتتار بەرىلدى», – دەدى ە. امانشاەۆ. ونىڭ ايتۋىنا قاراعاندا, 26 قاڭتارداعى جاعدايعا سايكەس دەنساۋلىق ساقتاۋ ماسەلەلەرى بويىنشا رەزونانستىق جاعدايلار بولعان جوق. ەسەپتى اپتادا IKomek «قالالىق مونيتورينگ جانە جەدەل ارەكەت ەتۋ ورتالىعىنا» 101 شاعىم تۇسكەن. «بارلىق تۇسكەن شاعىمدار قارالۋدا, ولاردىڭ ارقايسىسى بويىنشا شارالار قابىلدانادى. كەلىپ تۇسكەن شاعىمداردىڭ باسىم بولىگى بىردەن شەشىلەدى», – دەدى امانشاەۆ. سونىمەن قاتار, ونىڭ ايتۋىنشا, 2018 جىلدىڭ 18 جەلتوقسانى مەن 2019 جىلدىڭ 27 قاڭتارى ارالىعىندا مادەنيەت جانە سپورت مەكەمەلەرىندە, سونداي-اق, اشىق الاڭداردا 165 مادەني جانە سپورتتىق ءىس-شارا وتكىزىلدى. قالا بيۋدجەتىنىڭ ورىندالۋى بارىسى, قابىلدانعان وبەكتىلەردى قالانىڭ كوممۋنالدىق مەنشىگىنە الۋ, سونداي-اق مەملەكەتتىك ساتىپ الۋ جوسپارىنىڭ ورىندالۋى تۋرالى قالا اكىمىنىڭ ورىنباسارى اسقار ءامرين باياندادى. الەۋمەتتىك ماڭىزى بار ازىق-ت ۇلىك تاۋارلارىنىڭ باعالارى تۋرالى قالا اكىمىنىڭ ورىنباسارى ماليكا بەكتۇروۆا باياندادى. ونىڭ ايتۋىنشا, استانادا ازىق-ت ۇلىكتىڭ نەگىزگى تۇرلەرىنىڭ باعاسى تۇراقتى. كەڭەس بارىسىندا قالا اكىمى استانا قالاسىنىڭ قالالىق ورتا ساپاسى جانە باقىلاۋ باسقارماسىنا اۋدان اكىمدىكتەرىمەن بىرىگىپ كوپ پاتەرلى تۇرعىن ۇيلەر قاسبەتتەرىنىڭ جاي-كۇيىنە تالداۋ جۇرگىزۋدى تاپسىردى. قالالىق ورتا ساپاسى جانە باقىلاۋ باسقارماسىنىڭ باسشىسى تولەگەن ق ۇلىشەۆتىڭ ايتۋىنشا, 2018 جىلى باسقارما 486 قىزمەت كورسەتۋ ۇيىمىندا تەكسەرىس جۇمىستارىن جۇرگىزگەن.
«2018 جىلدىڭ قورىتىندىسى بويىنشا باسقارما مەن استانا اكىمدىگىنىڭ مونيتورينگ جانە جەدەل ارەكەت ەتۋ ورتالىعىنا كەلىپ تۇسكەن وتىنىشتەردىڭ سانى 80% تومەندەدى», – دەدى ت.قۇلۇشەۆ. مولداعۇلوۆا ك-ءسى, 27 ا ءۇي قاسبەتىن جوندەۋ جۇمىستارى جۇرگىزىلدى. اباي كوشەسى, 8 ("ستوليچنىي" تك), سەيفۋللين ك-ءسى, 4 ( "جاستار-2" تك), جۇبانوۆ ك-ءسى, 10, كەرەي مەن جانىبەك حاندار كوشەسى, 9 (№4 قالالىق), بايتۇرسىنوۆ ك-ءسى, 19, تاشەنوۆ كوشەسى, 17/1 ورنالاسقان تۇرعىن ۇيلەرگە قاسبەتكە قاتىستى پروبلەمالى ماسەلەلەرى بار ۋچاسكەلەردى جويۋعا كومەك كورسەتىلدى. سەمبينوۆ كوشەسى, 9 مەكەن-جايى بويىنشا ورنالاسقان ۇيدە («حان تەنگري») قابىرعانىڭ سىرتقى قاباتى قالىڭداتىلدى.
وسى رەتتە باقىت سۇلتانوۆ قالالىق ورتا ساپاسى جانە باقىلاۋ باسقارماسىنا اۋداندىق اكىمدىكتەرمەن بىرلەسىپ, جۇمىستى قىسقا مەرزىمدە اياقتاۋدى تاپسىردى. قالاداعى كريمينوگەندى جاعداي جانە قۇقىقتىق ءتارتىپتى قامتاماسىز ەتۋ بويىنشا قولعا الىنعان ن شارالار بويىنشا ەسەپتى پوليتسيا دەپارتامەنتىنىڭ باستىعى مارات قوجاەۆ بەردى. ونىڭ ايتۋىنشا قالاداعى جاعداي تۇراقتى. وتكەن اپتادا 479 قىلمىس تىركەلگەن,. بۇل الدىڭعى اپتامەن سالىستىرعاندا 41 قىلمىسقا از. اۋىر دەنە جاراقات الۋ مەن اۆتوكولىكتى ۇرلاۋ وقيعالارى تىركەلگەن جوق, بۇزاقىلىق كورسەتۋ وقيعالارىنىڭ وسىمىنە جول بەرىلمەي, توناۋ سانى ازايىپ وتىر. «سەرگەك» كەشەنى ارقىلى ءبىر اپتا ىشىندە 8 628 (56,6 ملن. تەڭگەگە ) قۇقىق بۇزۋشىلىق تىركەلىپ, وڭدەلدى. بەينە-باقىلاۋ كامەرالارىنىڭ كومەگىمەن 12 قىلمىس, 805 اكىمشىلىك قۇقىق بۇزۋشىلىق انىقتالىپ, 62 قىلمىس ء«ىزى سۋىماي» اشىلدى. ءتۇستى مەتاللدار قابىلداناتىن ورىنداردى تەكسەرۋ جۇمىستارى جالعاسۋدا. 51 پۋنكت تەكسەرىلىپ, (بايقوڭىر-17, سارى ارقا-18, ەسىل-16), مەتالل جيناۋمەن جانە مەتالل قابىلداۋمەن اينالىساتىن 25 تۇلعا اكىمشىلىك جاۋاپقا تارتىلدى. ليۋكتەردى ۇرلاۋ وقيعالارى تىركەلگەن جوق. قالانى الداعى گازداندىرۋ بارىسى تۋرالى وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى باسشىسى ە. تولەۋوۆ باياندادى. ءى كەزەكتىڭ جۇزەگە اسىرىلۋ مەرزىمى 2019 جىلدان 2023 جىلعا دەيىنگى ارالىقتا قارجىلاندىرۋ ءبولىنۋىنىڭ شاماسىنا بايلانىستى جوسپارلانىپ وتىر. 2025 جىلعا دەيىنگى دەنساۋلىق ساقتاۋ ينفراقۇرىلىمىن دامىتۋدىڭ بىرىڭعاي پەرسپەكتيۆالىق جوسپارىن ىسكە اسىرۋ بارىسى تۋرالى قوعامدىق دەنساۋلىق ساقتاۋ باسقارما باسشىسى قامالجان نادىروۆ ايتتى. جوسپاردا 9 اۋرۋحانالىق ۇيىمداردى بىرىكتىرۋ جولىمەن ءتورت كوپ بەيىندى قالالىق اۋرۋحانا جانە مەديتسينالىق پسيحولوگيالىق دەنساۋلىق ورتالىعىن قۇرۋ قاراستىرىلعان. بۇدان بولەك, ەمحانالاردىڭ 20 مينۋتتىق ارالىقتا ورنالاسۋىن جانە جالپى قارايتىن دارىگەرگە تۇسەتىن جۇكتەمەنى ازايتۋ ماقساتىندا ەمحانالار جەلىسىن قۇرۋ تۇجىرىمداماسى ازىرىلگەن. وندا قىمبات ەمحانالاردىڭ ورنىنا شاعىن دارىگەرلىك امبۋلاتوريالاردى اشۋ قاراستىرىلعان. بۇل جوبا «قولجەتىمدى دارىگەر» اتاۋىنا يە بولدى.
«وسىعان بايلانىستى, اتالعان جوبانىڭ الەۋمەتتىك ماڭىزدىلىعىن ەسكەرە وتىرىپ, بىرىڭعاي پەرسپەكتيۆالىق جوسپاردا كوزدەلىپ جوسپارلانعان 11 ەمحانا قۇرىلىسىنىڭ ورنىنا 51 دارىگەرلىك امبۋلاتوريا اشۋ بويىنشا وزگەرىستەر ۇسىنامىن», – دەپ اتاپ ءوتتى نادىروۆ. «تسيفرلىق قازاقستان» مەملەكەتتىك باعدارلاماسىن جۇزەگە اسىرۋ بارىسى تۋرالى ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى الىشەر ابدىقادىروۆ ەسەپ بەردى. ونىڭ ايتۋىنشا, وتكەن جىلدىڭ قورىتىندىلارىنا سايكەس ەلوردانىڭ اقپاراتتىق-كوممۋنيكاتسيالىق تەحنولوگيالار (اكت) سەكتورىنا قۇيىلعان ينۆەستيتسيا كولەمى الدىڭعى جىلمەن سالىستىرعاندا 55% ارتىپ, 17,5 ملرد تەڭگەنى قۇرادى. جۇمىسپەن قامتىلعانداردىڭ سانى 20% ءوسىپ, 20 مىڭ ادامدى قۇراۋدا. «سەرگەك» جوباسى ىسكە اسىرىلدى. ەلدەگى ەڭ قاۋىپسىز جولدار استانادا. ەلوردالىق جۇرگىزۋشىلەر ءتارتىپتى ساقتاۋدى ۇيرەندى. بۇل جولداعى اپاتتىلىققا وڭ اسەرىن تيگىزدى. 2017 جىلمەن سالىستىرعاندا, بۇل جوبا جول-كولىك وقيعاسى سالدارىنان بولاتىن ءولىم-ءجىتىمدى ەكى ەسەگە تومەدەتۋگە, ولاردىڭ سانىن جالپى سانىن 20% - عا ازايتۋعا مۇمكىندىك بەردى», – دەدى ءا ابدىقادىروۆ.
ودان بولەك, دەنساۋلىق ساقتاۋ بويىنشا بارلىق مەديتسينالىق ۇيىمداردا ينتەرنەت جەلىسىنە 100% قوسىلعان. بارلىق استانالىق مەكتەپتەر ينتەرنەتكە كەڭ جولاقتى قولجەتىمدىلىكپەن قامتاماسىز ەتىلگەن. بالاباقشاعا كەزەككە قويۋ جانە ولارعا جولداما بەرۋ, 1 سىنىپقا قابىلداۋ, كوللەدجدەرگە قابىلداۋ اۆتوماتتاندىرىلدى. سونىمەن قاتار, وسى جىلى كەلەسى باستامالاردى ىسكە اسىرۋ جوسپارلانۋدا: مەكتەپتەردى قاجەتتى كومپيۋتەرلىك جابدىقتارمەن تولىق جابدىقتاۋ, بارلىق مەكتەپكە Wi-Fi وتكىزۋ, STEM زەرتحانالارىن ورناتۋدى جالعاستىرۋ. تۇرعىن ۇيلەردە دەرەكتەردى قاشىقتىقتان بەرۋ ارقىلى ەسەپتەۋ قۇرالدارىن ورناتۋ جالعاسۋدا. بيىل ءبىز مەملەكەتتىك-جەكەشەلىك ارىپتەستىك اياسىندا «ينتەرنەت زاتتار» تەحنولوگياسىن قولدانا وتىرىپ, 31 مىڭ شامدى اۋىستىرۋعا قاتىستى ۇلكەن جوبانى باستايمىز. بۇل جوبا شىعىنداردى 60%-عا دەيىن ۇنەمدەۋگە, مۇمكىندىك بەرەدى. وتىرىس قورىتىندىسى بويىنشا قالا اكىمى ءتيىستى قۇرىلىمدارعا ناقتى تاپسىرمالار بەردى. اكىمدىكتىڭ بارلىق وتىرىستارىن ەندى اپتا سايىن ەلوردا اكىمدىگىنىڭ رەسمي سايتىندا كورۋگە بولاتىنىن ەسكە سالايىق. استانا اكىمدىگى وتىرىسىنىڭ تولىق نۇسقاسىن تومەندەگى بەينەماتەريالدان كورۋگە بولادى.
