حالىق الدىندا ەسەپ بەرگەن اۋدان اكىمى كولىك جانە جول-كولىك ينفراقۇرىلىمىن دامىتۋ باسقارماسىنىڭ كۋبرين كوشەسىن وسى جىلى تولىعىمەن جارىقتاندىرۋدى جوسپارلاپ وتىرعانىن مالىمدەدى. كەزدەسۋ № 60 مەكتەپ-ليتسەيدە ءوتتى.
اۋدان باسشىسى وكرۋگتەردى اباتتاندىرۋ ماسەلەسىنە ەرەكشە توقتالىپ ءوتتى. ونىڭ ايتۋىنا قاراعاندا, 2018 جىلى بوگەنباي باتىر كوشەسى, 6/3; كۋبرين كوشەسى, 20/1, 22/1; سەيفۋللين ك-ءسى, 3; كۇمىسبەكوۆ كوشەسى, 9/1; جامبىل ك-ءسى, 8 ۇيلەرىنىڭ كۆارتال ىشىندەگى اۋماقتارى مەن اۋلالارى اباتتاندىرىلعان. اۋلالاردا 42 شاعىن ساۋلەت نىساندارى ورناتىلىپ, ەكى فۋتبول الاڭىندا جوندەۋ جۇمىستارى جۇرگىزىلسە, تاعى ءبىر فۋتبول مەن 24 قۇرىلعىمەن جابدىقتالعان ءۇش جاتتىعۋ الاڭى قۇرىلعان بولاتىن 2018 جىلى سارىارقا داڭعىلى بويىنداعى №27 ءۇيدىڭ جانىندا جاتتىقتىرعىشتارى بار گۇل باعى اشىلدى.
وسى جىلى قورشاعان ورتانى قورعاۋ جانە تابيعاتتى پايدالانۋ باسقارماسى سارىارقا داڭعىلى بويىنداعى №23 ءۇيدىڭ جانىنا تاعى ءبىر گۇل باعىن سالۋدى جوسپارلاپ وتىر. «وتكەن جىلى سەيفۋللين كوشەسى مەن سارىارقا داڭعىلىنىڭ بويىندا كۇمىسبەكوۆ كوشەسىنە دەيىن 100 اعاش ەگىلدى. كۇمىسبەكوۆ كوشەسىنە 60 اعاش ەگىلدى. ءار اعاشتى كۇتىپ باپتاۋ كەرەك. كۇمىسبەكوۆ كوشەسىندە قۇرىلىس جۇمىستارىنا بايلانىستى اعاشتاردى قايتا وتىرعىزۋ شارالارى جۇرگىزىلدى»,– دەدى اۋدان اكىمى.
