ءبىرشاما ۋاقىتتان بەرى ەسىك قالاسى مەن قاينازار, ابات, ەڭبەك اۋىلدارىندا جەكە ۇيلەردى توناۋ فاكتىسى جيىلەپ, جەرگىلىكتى پوليتسياعا شاعىمدانۋشىلار كوبەيگەن ەدى. ءتارتىپ ساقشىلارى بۇل ءىستىڭ ارتىندا كانىگى ۇرىلار توبىنىڭ تۇرعانىن انىقتاپ, قىلمىسكەرلەرگە تۇزاق قۇردى. جاقىندا قىلمىس ۇستىندە ۇستالعان ۇرىلاردى تۇتقىنداۋعا وبلىس پوليتسەيلەرىمەن بىرگە «سۇڭقار» ارنايى جاساعى دا قاتىستى.
- ارنايى وپەراتسيا بارىسىندا ەڭبەكشىقازاق اۋدانىندا ۇزاق جىلدان بەرى توناۋشىلىقپەن اينالىسقان توپ ۇستالدى. ولاردى بۇعان دەيىن ءتۇرلى قىلمىسى ءۇشىن جالپى ەسەبى 20 جىلعا سوتتالعان اسا قاۋىپتى قىلمىسكەر باسقارىپ كەلگەن. تۇتقىنداۋ كەزىندە تونالعان ۇيلەردەن الىنعان باعالى زاتتار الىندى. ماتەريالدىق شىعىن بىرنەشە ميلليون تەڭگەگە باعالانىپ وتىر, - دەدى وبلىستىق ىشكى ىستەر دەپارتامەنتىنىڭ وكىلى.
قالماحانبەت مۇقامەتقالي,
«Egemen Qazaqstan»
الماتى وبلىسى
