ەڭ العاش كاسىبىمدى 4 بۇزاۋلى سيىر الىپ, ونى بورداقىلاۋدان باستادىم. كەيىننەن, كوبەيگەن ءتول باسىن نارىققا شىعارىپ, ونىڭ ورنىنا شاعىن قوجالىعىمدا جىلقى ت ۇلىگىن بايلاپ, باقتىم.
وزدەرىڭىز بىلەسىزدەر, كەنتاۋ قالاسىنىڭ ىرگەسىندەگى قاراتاۋ جىلقى وسىرۋگە ىڭعايلى مەكەن. الايدا, قازىرگى تاڭدا جايىلىمدىق جەرلەر تارىلعان. بۇگىنگى تاڭدا اۋىل شارۋاشىلىعى باعىتىندا كەڭ ءورىس قاجەت بولىپ تۇر.
2019 جىلدى ەلباسىمىز جاستار جىلى دەپ جاريالادى. سوندىقتان پرەزيدەنتىمىزدىڭ قامقورلىعىمەن كاسىبىن جاڭا باستاعان جاستارعا قولداۋ كورسەتىلسە جاقسى بولار ەدى. مەملەكەت تاراپىنان پروتسەنتتىك كورسەتكىشى تومەن سۋبسيديا بەرىلسە, قورا-قوپسى سالىپ, قامبار اتا ت ۇلىگىنىڭ ءتولىن كوبەيتسەم دەگەن ويىم بار. ءدال قازىرگى تاڭدا جەكە قوجالىعىمدا 6-7 باس جىلقى, ون شاقتى سيىر باعىپ وتىرمىن.
ەگەر جەڭىلدەتىلگەن نەسيە العان جاعدايدا ءسۇت-ەت ونىمدەرىن شىعاراتىن شاعىن كاسىپورىن اشىپ, وبلىس تۇرعىندارىن جەرگىلىكتى, تابيعي ونىممەن قامتاماسىز ەتسەم دەگەن ماقسات تا بار.
جاڭعاق شارۋاشىلىعى – تابىس-
تى بيزنەستىڭ ءبىرى. اتامىز تەك مال اسىراپ, دالا كەزگەن دەگەن پىكىرمەن كەلىسپەيمىن. كەرەك كەزىندە جەر ەمشەگىن دە ەمە بىلگەن. كەنتاۋ قالاسىنىڭ تاماشا كليماتى جاڭعاق اعاشىن وسىرۋگە وتە قولايلى. سوندىقتان جەرگىلىكتى اكىمدىك تاراپىنان جەر تەلىمى بەرىلسە, جاڭعاق قالامشاسىن وتىرعىزىپ, وسى ءبىر جەمىستىڭ پايداسىن كورسەم دەيمىن.
بۇگىندە كوپتەگەن اۋىل جاستارى مەملەكەت تاراپىنان اۋىل شارۋاشىلىعى سالاسىنا بەرىلەتىن كومەكتەن, بولىنەتىن قارجىدان بەيحابار. ءوز كاسىبىم ارقىلى ەكى قولعا ءبىر كۇرەك ىزدەگەن جاستارعا ۇلگى بولسام, وسىنىڭ ءوزى مەن ءۇشىن ۇلكەن جەتىستىك.
نۇرسۇلتان شالاەۆ,
فەرمەر
تۇركىستان وبلىسى,
كەنتاۋ قالاسى
