ستاتيستيكالىق مالىمەتتەرگە سۇيەنەر بولساق سوڭعى ءۇش جىلدا شىمشاھاردا 46 ءورت وقيعاسى تىركەلگەن. توتەنشە جاعداي قىزمەتى مەكەمەلەرىن جىلدان-جىلعا ءوندىرىس ورىندارى مەن ساۋدا نۇكتەلەرىندەگى ءتىلسىز جاۋدان بولاتىن وقىس جاعداي ءجيى الاڭداتىپ وتىر.
سالاعا جاۋاپتىلار بۇل ماسەلەنى قالادا مەملەكەتتىك ەمەس ورتكە قارسى قىزمەتتىڭ قۇرىلماۋىمەن بايلانىستىرىپ وتىر.
«شىمكەنتتەگى يندۋستريالدىق ايماقتار مەن ءىرى ساۋدا ورتالىقتارىندا مەملەكەتتىك ەمەس ءورت ءسوندىرۋ قىزمەتى كەرەك. الايدا بۇل ماسەلەنى كاسىپكەرلەر دە, اكىمدىكتەگىلەر دە كۇن تارتىبىندە كوتەرمەي وتىر. ءورت ءسوندىرۋ قىزمەتىن كاسىپكەرلەر بىرلەسىپ قۇرعان جاعدايدا وقىس وقيعالاردىڭ الدىن الۋعا وڭتايلى بولار ەدى», دەيدى ء«ورت ءسوندىرۋشى» اق شىمكەنت فيليالىنىڭ ديرەكتورى اكزامحان حامۋدوۆ.
كەزدەسۋدە توتەنشەلىكتەر كاسىپكەرلەرگە مەملەكەتتىك ەمەس ورتكە قارسى قىزمەتتىڭ جۇيەسىن تاپتىشتەپ ءتۇسىندىرىپ بەردى. ال, سالا ماماندارى ءورت ءسوندىرۋ قىزمەتىنەن الىس ورنالاسقان ساۋدا ورىندارى مەن كاسىپورىنداردا ارنايى ورتكە قارسى ورتالىق ىسكە قوسىلۋى كەرەك دەگەن تۇجىرىمدى ايتادى. وكىنىشتىسى, وسىدان 5 جىل بۇرىن بەلگىلەنگەن بۇل تالاپتى شاھارداعى كەيبىر كاسىپورىندار مەن كاسىپكەرلەر ءالى كۇنگە دەيىن ەسكەرەر ەمەس.
ايتا كەتەرلىگى, شىمكەنتتە بازار ورتەنۋ «قالىپتى» جاعدايعا اينالىپ بارادى. ءتىپتى, سوڭعى ءۇش جىلدا شىمكەنت قالاسىنىڭ اۋماعىنداعى وندىرىستىك نىساندار مەن ساۋدا ورىندارىندا 70-كە جۋىق ءورت وقيعاسى تىركەلگەن. الاپات ءورت كەزىندە 2 ادام قايتىس بولىپ, ەكى ادام ءتۇرلى دەنە جاراقاتتارىن العان. سالدارىنان ميلليونداعان شىعىندار كەلگەن.
«ۇكىمەت قاۋلىسىنا ساي ونەركاسىپتىك ءوندىرىستىڭ بارلىق تۇرىندەگى ۇيىمدار مەن كاسىپورىنداردا ءورت جانە جارىلىس قاۋپى بار عيماراتتار سىرتقى تەحنولوگيالىق قوندىرعىلاردىڭ جالپى اۋدانى ءۇش جارىم مىڭ شارشى مەتر جانە ودان كوپ مەملەكەتتىك ورتكە قارسى قىزمەت بولىمشەلەرىنەن ءۇش شاقىرىمنان استام قاشىقتىقتاعى نىسانداردا مەملەكەتتىك ەمەس ورتكە قارسى قىزمەتى قۇرىلۋ قاجەت. سونداي-اق بازاردىڭ ساۋدا ورىندارىنىڭ اۋدانى 3500 شارشى مەتردەن جانە مەملەكەتتىك ءورت ءسوندىرۋ قوندىرعىلارمەن جابدىقتالماسا, وسى جوعارىدا اتالعان قىزمەت ءتۇرىن قۇرۋى كەرەك», دەيدى شىمكەنت قالاسىنىڭ تجد ءبولىم باستىعى باۋىرجان ءىزباساروۆ.
سالا باسشىلارى قالاداعى ءورت وقيعالارىنىڭ كاسىپكەرلىك نىسانداردا جيىلەپ وتىرعان ايتىپ, قوعامدىق ورىندارداعى قاۋىپسىزدىك ماسەلەسىنە شەنەۋنىكتەر باس اۋىرتپاي وتىرعاندىعىن تىلگە تيەك ەتتى. ولاردىڭ پىكىرىنشە بۇل جاۋاپتى ىسكە اكىمدىك وكىلدەرى دە اتسالىسىپ, وقىس وقيعالاردى بولدىرماۋ ءۇشىن بىرلەسە جۇمىس جاساسا دەگەن وتىنىشتەرىن جەتكىزدى.
نۇرشات توكەن,
«Egemen Qazaqstan»
