قوعامدىق قابىلداۋ «نۇر وتان» پارتياسىنىڭ 20 جىلدىق مەرەيتويىنا ورايلاستىرىلىپ وتىر. شاراعا پارتيا وكىلدەرى, وبلىستىق, قالالىق ءماسليحات دەپۋتاتتارى, ىشكى ىستەر ورگاندارى, سونداي-اق جەرگىلىكتى بيلىك وكىلدەرى قاتىستى. كەزدەسۋگە كەلگەن تۇرعىنداردىڭ باسىم كوپشىلىگىن تۇرعىن ءۇي-كوممۋنالدىق شارۋاشىلىعى, بالاباقشا, جول, جىلۋ سىندى الەۋمەتتىك ماسەلەلەر تولعاندىراتىن كورىنەدى.
– «نۇر وتان» پارتياسىنىڭ باستاماسىمەن كراسنىي يار سەلوسىندا تۇرعىندارمەن كەزدەسىپ, ولاردىڭ كۇندەلىكتى ومىرلەرىندە قانداي ماسەلەلەر بار ەكەندىگىن ءوز اۋىزدارىنان ەستىپ بىلدىك. الەۋمەتتىك-تۇرمىستىق جاعدايدى جاقسارتۋ ءۇشىن كوكەيتەستى ماسەلەلەردى شەشۋگە بار كۇش-جىگەرىمىزدى جۇمىلدىرامىز. بۇل ورايدا, ۋادە بەرمەس بۇرىن ەگجەي-تەگجەيلى زەرتتەپ, ءبىلىپ الۋىمىز كەرەك, – دەيدى وبلىستىق ءماسليحاتتىڭ دەپۋتاتى سەرىك اياعانوۆ.
نۇرلى كوش اۋىلىندا تۇراتىن باقىتگۇل كۇليزانىڭ تۇرعىن ءۇيى اپاتتى جاعدايدا تۇرعان كورىنەدى. وتكەن تۇندە قابىرعاسى قۇلاپ قالعان. اتالعان اۋىل تۇرعىندارىنىڭ دا قۇرىلىسقا جاۋاپتى كومپانيا وكىلدەرىنە وكپەسى قارا قازانداي.
– ون جىلدان بەرى ءۇي ماسەلەسى بويىنشا شەشىلمەيتىن داۋ بولىپ كەلە جاتىر. جول ماسەلەسى بويىنشا ساۋال جولداعىم كەلەدى. ون جىل باقپاق كەشىپ كەلەمىز. ءجۇرۋ مۇمكىن ەمەس, – دەيدى نۇرلى كوش اۋىلىنىڭ تۇرعىنى باقىتگۇل كۇليزا.
«نۇر وتان» پارتياسى جىل سايىن حالىق اراسىندا جوسپارلى تۇردە كوشپەلى قوعامدىق قابىلداۋلار ۇيىمداستىرۋدى يگى داستۇرگە اينالعان. ايتا كەتەيىك, وتكەن 2018 جىلدىڭ جۇمىس قورىتىندىسى بويىنشا قوعامدىق قابىلداۋعا 5 جارىم مىڭنان ادام كەلىپ ءوتىنىش بىلدىرگەن.
بايقال ءبايادىل,
«Egemen Qazaqstan»
اقمولا وبلىسى
