– نەگىزگى كاپيتالعا سالىنعان ينۆەستيتسيا كولەمى 40 ملرد. تەڭگەگە جۋىق. ءوسىم كولى 130 پايىزدى قۇراپ وتىر. قالادا قۇرىلىس قارقىندى جۇرگىزىلىپ كەلەدى. بىلتىر 165 مىڭ شارشى مەتر تۇرعىن ءۇي پايدالانۋعا بەرىلدى. بۇل الدىڭعى جىلمەن سالىستىرعاندا 1,5 ەسەگە ارتىق, - دەيدى كوكشەتاۋ قالاسىنىڭ اكىمى ەرمەك مارجىقپاەۆ.
قالا تۇرعىندارى اراسىندا جاڭا «رۋحاني جاڭعىرۋ» سارايى سالىناتىندىعى جاعىمدى حابار رەتىندە ءجيى ايتىلۋدا. بۇل نىسان كوكتەم شاعىن اۋدانىندا بوي كوتەرىپ, تۇرعىنداردىڭ مادەني-رۋحاني ومىرىندەگى باستى ورىنعا اينالماق.
الداعى جىلدارى تۇرعىن ءۇي قۇرىلىسىمەن قاتار ازاماتتاردىڭ جەكە باسپانا سالۋىنا ارنالعان جەر تەلىمدەرى بەرىلەدى. ول ءۇشىن الداعى ۋاقىتتا ەلەكتر جارىعى مەن سۋ قۇبىرى تارتىلعان 3 مىڭ جەر تەلىمى ازىرلەنۋدە. بۇل شارا ۇزاق جىل بويى كەزەكتە تۇرعان قالا تۇرعىندارىنىڭ سانىن ءبىرشاما ازايتپاق.
بايقال ءبايادىل,
«Egemen Qazaqstan»
