– پرەزيدەنتتىڭ تاپسىرماسى بويىنشا وبلىسىمىزداعى ينتەرناتتاردىڭ بارلىعىن قالپىنا كەلتىردىك. ولار كوپتەن بەرى جوندەۋدى قاجەت ەتكەن بولاتىن, سوندىقتان ءبىز ءبىرىنشى كەزەكتە وسى ماسەلەگە كوڭىل اۋداردىق, – دەدى ە.قوشانوۆ.
قاراعاندى وبلىسىندا ورتا مەكتەپتەر جانىندا بارلىعى 21 ينتەرنات جۇمىس ىستەيدى. بۇگىنگى كۇندە ولاردىڭ 12-ءسى كۇردەلى جوندەۋدەن, قالعانى اعىمداعى جوندەۋدەن وتكەن.
وساكاروۆ اۋدانىندا بولعانىندا وبلىس باسشىسى №12 جالپى ءبىلىم بەرۋ مەكتەبىنىڭ جانىنداعى ينتەرناتتىڭ تىنىس-تىرلىگىمەن تانىستى. وسىدان ءبىر جىل بۇرىن اپاتتىق جاعدايدا بولعان مەكەمەگە قازىر 114 ملن تەڭگەنىڭ جوندەۋ جۇمىستارى جۇرگىزىلگەن. بۇل قاراجات شاتىردى تولىعىمەن اۋىستىرۋعا, ەلەكتر, جىلۋ جۇيەلەرىن, سانتەحنيكانى, ەسىكتەردى جاڭارتىپ, ەنەرگيا ۇنەمدەيتىن پلاستيك تەرەزەلەردى ورناتىپ, ساتىلاردى جوندەپ, كىرەبەرىستى قالپىنا كەلتىرۋگە, سونداي-اق اس ءۇي, دەمالىس بولمەلەرىنە جانە وقۋشىلار تۇراتىن جاتىن بولمەلەرگە جيھاز الۋعا تولىعىمەن جەتىپتى.
– بۇل جەردە مەنىڭ ءۇش بالام تۇرىپ جاتىر. قازىر كوڭىلىمدە الاڭ جوق, سەبەبى مۇندا ۇيدەگىدەي جاعداي جاسالعان. عيمارات جايلى جانە جىلى. وسكەلەڭ ۇرپاققا ۇلكەن كوڭىل ءبولىپ جاتقانى ءۇشىن پرەزيدەنتىمىزگە العىسىمدى بىلدىرەمىن, – دەيدى ينتەرنات وقۋشىسىنىڭ اناسى وكسانا كوۆالەۆا اعىنان جارىلىپ.
قايرات ءابىلدا,
«ەگەمەن قازاقستان»
قاراعاندى وبلىسى
