- قاپشاعاي سۋ قويماسىنىڭ جاعالاۋىندا پاترۋلدىك پوليتسيا قىزمەتىن قۇرۋ يدەياسىنا وبلىس اكىمى تاراپىنان قولداۋ كورسەتىلدى. قازىر جۇمىستى جانداندىرۋ ءۇشىن 2 قايىق پەن ءۇش شاڭعى قاجەت. بۇل ماسەلە جاقىن كۇندەرى شەشىلەدى, - دەيدى قاپشاعاي قالالىق پوليتسيا باسقارماسىنىڭ باستىعى, پودپولكوۆنيك ەلدار ابدىكەنوۆ.
قاپشاعاي جاعاجايىندا جاز كەزىندە دەمالۋشىلار قاتارى كوبەيەدى. قوعامدىق ءتارتىپتى قۇرلىقتا قاداعالاۋ وڭاي بولعانىمەن, ازاماتتاردىڭ سۋداعى جەكە قاۋىپسىزدىگىن قامتاماسىز ەتۋ ارنايى قۇرالمەن جابدىقتالعان پوليتسيا جاساعىنسىز قيىن بولىپ وتىر. ال قىس مەزگىلىندە دە كول ۇستىندە بالىقشىلار مەن ساياتشىلاردىڭ ومىرىنە قاۋىپ تونگەن مىسالدار جەتكىلىكتى. سوندىقتان سۋداعى پوليتسيا جاساعىنىڭ قۇرىلۋى كەزەك كۇتتىرمەيتىن شارا دەيدى قۇقىق قورعاۋشىلار.
قالماحانبەت مۇقامەتقالي,
«ەگەمەن قازاقستان»
الماتى وبلىسى
