باياندامادا قامتىلعانداي, اۋدان بويىنشا ورتاشا جالاقى 102 مىڭ تەڭگەنى قۇراعان. 2700 قىزمەتكەردىڭ ەڭ تومەنگى جالاقى مولشەرى 1,5 ەسە كوبەيگەن. 1741 جۇمىس ورنى اشىلىپ, 3 مىڭنان استام ادام ەڭبەكپەن قامتىلعان. اۋىل جولدارىن قالپىنا كەلتىرۋگە 35 ميلليون تەڭگە جۇمسالعان. 15 مىڭ شارشى مەتر باسپانا قولدانىسقا بەرىلگەن.«ديپلوممەن – اۋىلعا» مەملەكەتتىك باعدارلاماسى بويىنشا 40 جاس مامان كەلگەن. ولارعا قارجىلىق جاردەم كورسەتىلگەن.
اكىمنىڭ ەسەبىنە جينالعان جۇرتشىلىق بىرنەشە جىلدان بەرى شەشىمىن تاپپاي كەلە جاتقان پروبلەمالاردى بيىل تاعى دا قوزعادى. اسىرەسە, جول جوندەۋ, قوعامدىق كولىك قاتىناسى, اباتتاندىرۋ مەن جارىقتاندىرۋ جايى ءالى وتكىر تۇر. تاتيانا تورگاشەۆا پەتروپاۆلداعى بالالار ۇيىندە تاربيەلەنىپتى. اتا-انا قامقورلىعىنسىز وسكەن بويجەتكەن قازىر بەسكولدەگى مەكتەپتەردىڭ بىرىندە ۇستاز بولىپ قىزمەت ىستەيدى.ء الى كۇنگە دەيىن باسىبايلى پاتەرى جوق. قىزمەتتىك باسپانانى پانالاۋعا ءماجبۇر. ءۇيدىڭ كەزەگىندە تۇرعانىنا 10 جىلدان اسىپتى. وسىدان بىرەر اي بۇرىن حالىقتىڭ ءالجۋاز توپتارى ءۇشىن 30 پاتەرلىك ءۇي قولدانىسقا بەرىلگەنىمەن, ىلىكپەي قالىپتى. ول قۇربىلارىم قونىس تويىن تويلادى, مەنىڭ كەزەگىم قاشان جەتەدى دەپ نازالانادى.
اۋدان اكىمى وعان قازىر 5 قاباتتى ەكى تۇرعىن ءۇيدىڭ جوبالارىن ازىرلەپ جاتىرمىز. ولار جەكە ينۆەستيتسيا بويىنشا جانە جالدامالى باسپانا رەتىندە مەملەكەت قاراجاتىنا سالىنادى دەپ جاۋاپ بەردى.
زەينەتكەر ەرمەك مۇقانوۆ وتباسىمەن بەسكولدىڭ وڭتۇستىك-شىعىس اۋدانىندا تۇرادى. بالالارى مەن نەمەرەلەرى وبلىس ورتالىعىنان اتاسى مەن اجەسىنە قوناققا كەلۋ ءۇشىن 101-ءشى اۆتوبۋسپەن قاتىنايدى ەكەن. ەكى ارانى جالعاستىراتىن جالعىز قوعامدىق كولىك ول تۇراتىن اۋدانعا بارمايتىن كورىنەدى. قاريانىڭ تاراپىنان وڭتۇستىك-شىعىس بەسكول ايماعى مەن ەسەنين كوشەسى ارقىلى جۇرەتىن جاڭا مارشرۋت اشىپ بەرسەڭىزدەر, بۇل جاقتا وقۋشىلار كوپ, ال مەكتەپ بولسا الىس, بالالارعا جاياۋ قاتىناۋ وتە قيىن دەگەن ۇسىنىس ايتىلعانىمەن, اياقسىز قالىپ كەلەدى. بەسكول اۋىلدىق وكرۋگىنىڭ اكىمى ەربول باگەنوۆ ماسەلەنىڭ باقىلاۋعا الىنعانىن, قوعامدىق كولىك باعىتىن “ميراس” بالاباقشاسىنان ءارى ۇزارتۋ مۇمكىندىگى قاراستىرىلىپ جاتقانىن جەتكىزدى.
اقجار اۋدانىندا وتكەن اكىم ەسەبىندە زەينەتكەر مارات جەتەپوۆ القاتەرەك اۋىلىنان 14 شاقىرىم جەردە ورنالاسقان ۇڭعىمادان سۋ تارتۋ ماسەلەنىن كوتەرسە, ءايسۇلۋ جۇسىپوۆا شارۋا قوجالىقتارىنا جايىلىمدىق, شابىندىق جەرلەر جەتىسپەيتىنىن العا تارتتى. زەينەتكەر قايىركوش جۇماتاەۆ جولدىڭ ساپاسىزدىعىنا قىنجىلىس ءبىلدىردى.
ايىرتاۋ اۋدانى ۆولودار اۋىلدىق وكپۋگىنىڭ تۇرعىندارى سۋ سۇزگىسى ىستەن شىققاندىقتان تىرشىلىك ءنارىنىڭ سانيتارلىق-گيگيەنالىق تالاپتارعا سايكەس كەلە بەرمەيتىنىن, اقان-بۇرلىق ەلدى مەكەنىنىڭ جۇرتشىلىعى نان ساپاسىنىڭ, مەديتسينالىق قىزمەتتىڭ تومەندىگىن جەتكىزدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
