جيىن بارىسىندا «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسىنىڭ جۇزەگە اسىرىلۋى, جازاسىن وتەپ شىققانداردى جانە پروباتسيا قىزمەتىندە ەسەپتە تۇرعانداردى جۇمىسپەن قامتۋ سياقتى بىرقاتار ماڭىزدى دەگەن الەۋمەتتىك ماسەلە قارالدى.
–تۇرعىنداردى جۇمىسپەن قامتۋ كەشەندى باعدارلاماسى اياسىندا قولعا الىنعان شارالارعا 27,8 مىڭ ازامات قاتىستىرىلدى.ءسويتىپ, جىلدىق جوسپار 135 پايىزعا ورىندالدى. وبلىس بويىنشا كەشەندى جوسپار اسىرا ورىندالعانمەن, كەيبىر اۋدانداردا جوسپار تولىق كولەمدە جۇزەگە اسىرىلمادى. ماسەلەن, قورعالجىن اۋدانىندا قىسقا مەرزىمدى وقىتۋدان جىلدىق جوسپار 6,9 پايىزعا ورىندالمادى. مەملەكەتتىك باعدارلامالار اياسىندا جۇمىس ورىندارىن اشۋ كورسەتكىشى 5 اۋداندا ءتيىستى كورسەتكىشكە جەتپەدى,– دەدى وبلىستىق جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى دينا احمەتجانوۆا.
ءوڭىردىڭ بىرقاتار اۋدانىندا مەملەكەتتىك باعدارلامالاردى ورىنداۋ كورسەتكىشى ءالى دە بولسا تومەن. ماسەلەن, زەرەندى, شورتاندى, ەرەيمەنتاۋ, جاقسى جانە ەگىندىكول اۋداندارىندا جۇمىس ورىندارى قاجەتتى كولەمدە اشىلماعان.
–بىزدە جاڭا فورماتتاعى مەكەنجايلىق الەۋمەتتىك كومەكپەن قامتۋ كورسەتكىشى جوسپاردان تومەن بولدى. جوسپارداعى 790 ازاماتتىڭ 775-ءى بۇل كومەكپەن قامتىلمادى,–دەدى ارشالى اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ جەتەكشىسى ساۋلە ساتىبالدينوۆا.
وبلىس اكىمىنىڭ ورىنباسارى قانات ىدىرىسوۆ مەملەكەتتىك باعدارلامالاردى ۇيلەستىرۋ باعىتىندا جۇمىس ىستەيتىن مامانداردىڭ ءوزارا تاجىريبە الماسۋىن جولعا قويۋ قاجەتتىگىنە باسا نازار اۋداردى. سونداي-اق, تاقىرىپتىق سەمينارلاردى كوبىرەك وتكىزىپ, مامانداردىڭ ناتيجەلى جانە ساپالى جۇمىس ىستەۋىنە قاجەت ارنايى جوبا ازىرلەۋدى تاپسىردى.
بايقال ءبايادىل,
«ەگەمەن قازاقستان»
اقمولا وبلىسى
