17 قاڭتار، 2019

جاڭادان اشىلعان اۋدانعا جاستار ورالىپ جاتىر

282 رەتكورسەتىلدى

ەلباسى جارلىعىمەن الماتى وبلىسىنىڭ رايىمبەك اۋدانىنىڭ قايتا قۇرىلعانىنا ءالى جىل تولا قويمادى. ايماقتا شەكارالىق ءوڭىردى دامىتۋعا باعىتتالعان ءىس قارقىندى ءجۇرىپ جاتىر.

ماسەلەن، اۋدان ورتالىعى نارىنقول اۋىلىندا جاس ماماندارعا ارنالعان 109 تۇرعىن ءۇيدىڭ قۇرىلىسى باستالعان. قازىر 20 ءۇي پايدالانۋعا بەرىلىپ تە قويعان ەكەن. اۋىلداعى جاڭادان سالىنعان باسپانا ءبىرىنشى كەزەكتە مەملەكەتتىك قىزمەتكەرلەرگە جالعا بەرۋ ادىسىمەن بولىنگەن. جاڭادان اشىلعان اۋدان بولعاندىقتان، نارىنقولعا كەلىپ تۇراقتاپ جاتقان جاس ماماندار ءۇشىن باسپانا جايى قيىندىق تۋعىزعان ەدى. بۇيىرسا، بيىل قالعان 89 ءۇي دە قولدانىسقا بەرىلمەكشى.

جالپى، قايتا قۇرىلعان اۋدانعا باعىتتالعان جۇمىس ناتيجەسى ءبىر جىلعا جۋىق ۋاقىتتىڭ ىشىندە ايقىن ناتيجە بەرە باستادى. اۋدان ورتالىعىنداعى  جولدار جوندەلدى، جارىقتاندىرۋ جۇرگىزىلدى، تۇرعىن ۇيلەر سالىندى، بالالار الاڭدارى مەن سپورتتىق الاڭدار پايدالانۋعا بەرىلدى. 

- ەڭ باستىسى، شەكارالىق اۋدانعا جاستار قايتا ورالا باستادى. ەلباسىنىڭ جارلىعى شىققاننان بەرگى ۋاقىتتا اۋدانعا 700 ادام قونىس اۋدارعان. سوندىقتان جاس مامانداردى باسپانامەن قامتۋ ەڭ ماڭىزدى ماسەلەلەر قاتارىندا. 20 جالگەرلىك ءۇيدىڭ قۇرىلىسىنا وبلىستىق بيۋدجەتتەن 395،3 ملن تەڭگە بولىنگەن بولاتىن، بۇگىنگى كۇنى بۇل ۇيلەر پايدالانۋعا بەرىلدى، - دەدى جاقىندا نارىنقول اۋدانىنا ارنايى ساپارمەن بارعان وبلىس اكىمى اماندىق باتالوۆ.

قالماحانبەت مۇقامەتقالي،

«ەگەمەن قازاقستان»

الماتى وبلىسى

سوڭعى جاڭالىقتار

مال باققانعا بىتەدى...

ايماقتار • كەشە

جەر يەسىن تاپسا يگى

ايماقتار • كەشە

ءبارىمىزدىڭ ابايىمىز

رۋحانيات • كەشە

ينۆەستيتسيالار يگىلىگى

ەكونوميكا • كەشە

ماقتاارالدا ديقانشىلىق باستالدى

ايماقتار • 16 قاڭتار، 2020

ۇقساس جاڭالىقتار