وقۋ جىلى باستالىسىمەن اسكەري بولىمدەردە جاپپاي جاۋىنگەرلىك دايارلىق بويىنشا ساباقتاردىڭ قارقىندىلىعى بەلەڭ الۋدا. وسى ءۇردىستىڭ باستى جەتەكشىلەرىنىڭ ءبىرى بولىپ سەرجانتتار قۇرامى جۇمىس جاساۋدا. ولار وزدەرىنىڭ اعىمدىق تاپسىرمالارى مەن ماسەلەلەرىن سەرجانتتار كەڭەسىندە تالقىلاپ, وزەكتى ماسەلەلەردىڭ شەشىمدەرىن تاپتى.
سونىمەن قوسا, وتىرىستا سەرجانتتاردىڭ ابىرويى مەن نامىسىنا, اسكەري سەرىكتەستىك, اسكەري بولىمگە جاڭادان كەلگەن اسكەري قىزمەتشىلەرگە قالىپتاسۋدا كومەك كورسەتۋگە قاتىستى كوپتەگەن وزەكتى ماسەلەلەر تالقىلاندى. ودان باسقا, سەرجانتتاردىڭ وتباسىلارىندا مورالدىق-ادامگەرشىلىك جاعدايدى نىعايتۋ, بالالارى وقيتىن مەكتەپتەرگە كومەك كورسەتۋ, ولاردىڭ الەۋمەتتىك-تۇرمىستىق جاعدايلارىن جاقسارتۋ ماسەلەلەرى قارالدى.
-كىشى كومانديرلەر جەكە قۇرامدى باسقارۋدا نەگىزگى تەتىككە يە. سەرجانتتاردىڭ جۇمىسىنداعى ساتتىلىك كوبىنەسە ولاردىڭ وزدەرىنىڭ جەكە پارىزى مەن باعىنىستىلارىنىڭ ىستەرى مەن قىلىقتارىنا جاۋاپكەرشىلىكتى قانشالىقتى سەزىنەتىنە بايلانىستى. ولار ءاردايىم بىلىمدەرى مەن تاجىريبەلەرىن جەتىلدىرەدى, اسكەري جارعىمەن بەرىلگەن قۇقىقتارىن ورىندى پايدالانادى, دەيدى «باتىس» وڭىرلىك قولباسشىلىعىنىڭ 3-سىنىپتى سەرجانتى تيمۋر يمانالوۆ.
قارۋلى كۇشتەردە سەرجانتتاردىڭ جالپى جانە اسكەري مادەنيەتىن ارتتىرۋ, ولاردى جاستارعا اسكەري-پاتريوتتىق تاربيە بەرۋ جۇمىسىنا تارتۋ, سونداي-اق قازاقستان ارمياسىندا سەرجانتتار كورپۋسىنىڭ ءرولىن نىعايتۋ ماقساتىندا جىل سايىن بۇكىلارميالىق سەرجانتتار كەڭەسى وتكىزىلەدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
