وڭىردەگى «تسيفرلى قازاقستان» باعدارلاماسىن جۇزەگە اسىرۋ ماقساتىندا قولعا الىنعان جۇمىستار اياقتالۋعا جاقىن. قازىر قالا ىشىندەگى قوعامدىق كولىك توقتايتىن 10 ورىنعا «اقىلدى» ايالداما قويىلدى. تالدىقورعان قالاسى جولاۋشىلار كولىگى جانە اۆتوموبيل جولدارى ءبولىمى مەملەكەتتىك مەكەمەسىنىڭ تاپسىرىس بەرۋىمەن Smart ايالداما قۇرىلىسىن «ايبىن» جشس جۇرگىزىپ جاتىر. وتكەن جىلدىڭ قازان ايىنان بەرى 10 ايالداما تولىق جاساقتالىپ, قولدانىسقا بەرىلسە, جاقىن كۇندەرى تاعى دا 10 «اقىلدى» ايالداما ەسىگىن اشپاقشى.
بۇل - ەلىمىز بويىنشا قىزۋ ىسكە اسىپ جاتقان «تسيفرلاندىرۋ باعدارلاماسى» بويىنشا جەتىسۋدىڭ باس قالاسىندا جاسالعان جۇمىستىڭ ءبىر پاراسى عانا. بۇعان دەيىن قالا كوشەلەرىن بەينەباقىلاۋعا كوشىرۋ جوباسى جۇزەگە اسقان بولاتىن. ناتيجەسىندە قالا قاۋىپسىزدىگىن بەينەقۇرىلعىلار ارقىلى قاداعالاۋ ساتىمەن جۇزەگە استى. بۇگىندە وبلىس ورتالىعىنداعى بەيساۋىت ءجۇرىستى قالت جىبەرمەيتىن 669 كامەرا جۇمىس ىستەپ تۇر. جانە اتالعان قۇرىلىعىلاردىڭ بارلىعى ىشكى ىستەر باسقارماسىنىڭ جەدەل ورتالىعىنا تىكەلەي جالعانعان, بۇل ءتارتىپ ساقشىلارىنىڭ دابىل قابىلداۋ مەن جىلدام ارەكەت ەتۋ مۇمكىندىگىن ەسەلەپ ارتتىرعان.
قالماحانبەت مۇقامەتقالي,
«ەگەمەن قازاقستان»
الماتى وبلىسى
