وزدەرىنىڭ تۇساۋكەسەر كەزدەسۋىندە جەرلەستەرىمىز رەسەي جانە سلوۆەنيانىڭ وكىلدەرى – يرينا حروماچەۆا جانە داليلا ياكۋپوۆيچپەن شەبەرلىك بايقاستى. بۇل باسەكە 6:3, 6:3 ەسەبىمەن ءبىزدىڭ قىزداردىڭ پايداسىنا شەشىلدى. ەندى يۋليا مەن زارينا چەحيالىق جۇپ ماركەتا ۆوندروۋشوۆا جانە باربورا سترىتسوۆامەن كۇش سىناسادى. ولار ءوز كەزەگىندە كانادا مەن قىتاي سپورتشىلارى گابريەلا دوربراۆسكا مەن سيۋي يفانعا 6:3, 3:6, 6:3 ەسەبىمەن سان سوقتىرعان بولاتىن.
ەستەرىڭىزگە سالا كەتەيىك, جۇلدە قورى 42 850 000 دوللاردى قۇرعان اۆستراليانىڭ اشىق بىرىنشىلىگى 10 قاڭتاردا باستالعان بولاتىن. جەكەلەگەن سايىستا قازاقستاننىڭ تەننيسشىلەرى ءساتسىز ونەر كورسەتتى. زارينا دياس پەن ميحايل كۋكۋشكين العاشقى اينالىمدا سۇرىنسە, يۋليا پۋتينتسەۆا ەكىنشى كەزەڭدە ۇتىلدى. بۇل جارىس 26 قاڭتاردا ءوز مارەسىنە جەتەدى.
